Manchester United ត្រូវបានគេរាយការណ៍ថាបានសម្រេចចិត្តបដិសេដនឹងការតែងតាំង Gareth Southgate ជាអ្នកចាត់ការថ្មីរបស់ពួកគេ។ យោងតាមកាសែត The Mirror លោក Southgate អាចនឹងមានបំណងចង់ដឹកនាំក្លឹបបាល់ទាត់ម្តងទៀត។

ទោះជាយ៉ាងណាក៏ដោយ United ត្រូវបានគេនិយាយថាបានជ្រើសរើសក្នុងការមិនដាក់ឈ្មោះលោក Southgate ជាគ្រូបង្វឹកថ្មីរបស់ពួកគេ ដោយសារតែពេលវេលាមិនស្របគ្នា។ ចំណែក សហព័ន្ធបាល់ទាត់អង់គ្លេស (FA) ត្រូវបានគេរាយការណ៍ថាបានរៀបចំផ្តល់ឱ្យ Southgate នូវកិច្ចសន្យាថ្មីជាមួយនឹងកិច្ចសន្យាបច្ចុប្បន្នរបស់គាត់នឹងផុតកំណត់នៅក្នុងខែធ្នូខាងមុខនេះ។

ក្រុម ManchesterUnited ត្រូវ​បាន​គេ​ភ្ជាប់​សំណើជាមួយ​នឹង​អ្នក​ចាត់​ការ​ទូទៅ​ផ្សេង​ទៀត​ចំពេល​មាន​ដំណឹង​ថា​ពួកគេ​អាច​បណ្តេញ​ Erik ten Hag ចេញ។ Gareth Southgate បានទទួលការសរសើរជាច្រើនចំពោះការងារដែលគាត់បានធ្វើក្នុងនាមជាអ្នកចាត់ការទូទៅរបស់ក្រុមជម្រើសជាតិអង់គ្លេស ដែលរួមមានការឈានដល់វគ្គផ្តាច់ព្រ័ត្រ Euro ២០២០។ ទោះជាយ៉ាងណាក៏ដោយ ឥឡូវនេះកំពុងមានការយកចិត្តទុកដាក់កាន់តែខ្លាំងឡើង លើថាតើគាត់នឹងអាចដឹកនាំក្រុមតោកំណាចអង់គ្លេសឱ្យមានភាពរុងរឿងនៅរដូវក្តៅនេះដែរឬទេ។ ហើយ FA ក៏មិនទាន់កំណត់អត្តសញ្ញាណអ្នកស្នងតំណែងដ៏មានសក្តានុពលរបស់ Southgate ដែរ។

គួររំលឹកផងដែរថាលោក Southgate គឺជាអ្នកចាត់ការទូទៅរបស់ក្រុមជម្រើសជាតិអង់គ្លេសតាំងពីឆ្នាំ ២០១៦ មកម្ល៉េះ។ ពីមុនគាត់ធ្លាប់ដឹកនាំក្រុមអាយុក្រោម ២១ឆ្នាំរបស់អង់គ្លេស ដោយបានចាប់ផ្តើមអាជីពជាអ្នកចាត់ការរបស់គាត់ជាមួយក្រុម Middlesbrough ។

Man United បានពិភាក្សាជាមួយ Thomas Tuchel រួចហើយ ប៉ុន្តែត្រូវបានគេយល់ថាអតីតអ្នកចាត់ការ Bayern Munich រូបនេះលែងស្ថិតក្រោមការពិចារណាទៀតហើយ។ Mauricio Pochettino, Thomas Frank និង Roberto De Zerbi ក៏ត្រូវបានផ្សារភ្ជាប់ជាមួយនឹងតំណែងនេះផងដែរ៕

ប្រភព បរទេស