នៅម៉ោង៩:០៥នាទីយប់នេះ ក្រុម Arsenal នឹងបើកកីឡដ្ឋានរបស់ខ្លួនស្វាគមន៍ក្រុមភ្ញៀវ Spurs ដើម្បីប្រកួតស្វែងរក៣ពិន្ទុនៃលីគកំពូលអង់គ្លេស។ក្រៅពីការប្រកួតដ៏ជក់ចិត្តទៅ គេក៏អាចនិយាយបានថានេះជាការប្រកួតរវាងអ្នកចាត់ការ២នាក់ដែលជាមិត្តល្អនឹងគ្នាផងដែរ។ លោក Emery អ្នកចាត់ការក្រុម Arsenal និងលោក Pochettino អ្នកចាត់ការក្រុម Spurs គឺជាមិត្តភក្ដិនឹងគ្នាតាំងពីពួកគេនៅដឹកក្លឹបនាប្រទេសអេស្ប៉ាញម្ល៉េះ។
ដោយគ្រានោះ Pochettino ដឹកនាំក្រុម Espanyol និង Emery ដឹកនាំក្រុម Valencia ។ ពួកគេជាមិត្តនឹងគ្នា ហើយលោក Emery ក្រោយពីចាកចេញពី Valencia ក៏បានណែនាំក្លឹបឱ្យយកលោក Poch ផងដែរ។ដោយឡែកលោក Pochettino ក៏បាននិយាយដែរថាលោកចង់មានពេលញ៉ាំអាហារជាមួយលោក Emery ម្ដង ព្រោះតាំងពីផ្លាស់មកដឹកនាំ Arsenal មក ពួកគេមិនបានស្នីទ្ធស្នាលនឹងគ្នាដូចកាលនៅអេស្ប៉ាញឡើយ។
បើនិយាយថាទំនាក់ទំនងមានការប្រែប្រួល អ្នកចាត់ការក្រុម Spurs សូមបញ្ជាក់ថាមិនមានអ្វីប្រែប្រួលឡើយ បើទោះជាការប្រកួតយប់នេះ ចាញ់ឬឈ្នះក៏ដោយ៕
ប្រភព៖ Theguardian
