ក្លឹបបិសាចក្រហម Manchester United ព្យាយាមទិញខ្សែការពារ Kalidou Koulibaly ពីក្រុម Napoli ប៉ុន្តែមិនទាន់ចរចាអ្វីផង ត្រូវក្លឹបមួយនេះបដិសេធមិនលក់ភ្លាមតែម្ដង។ក្រោយពីរដូវកាលនេះ របូតគ្រាប់បាល់ច្រើន ក្រុមរបស់លោក Jose Mourinho កំពុងស្វែងរកខ្សែការពារថ្មីមកពង្រឹងក្រុមបន្ថែមទៀត។ ប៉ុន្តែការស្វែងរកនោះ ហាក់ដូចជាពិបាកបន្តិច ព្រោះមិនមានកីឡាករណាម្នាក់ចាប់អារម្មណ៍ផ្លាស់មកលេងនៅទឹកដី Old Trafford ទេ។
កីឡាករម្នាក់ដែលលោក Jose ចង់បានជាងគេនោះគឺ Kalidou Koulibaly របស់ក្រុម Napoli ប៉ុន្តែមិនទាន់និយាយអ្វីច្រើនផង ត្រូវគេបដិសេធទៅហើយ។Man Utd គ្រោងចំណាយ៩១លានផោន ដើម្បីទិញខ្សែការពារសេណេហ្គាល់រូបនេះ ប៉ុន្តែតម្លៃនេះមិនអាចឱ្យ Napoli លក់កីឡាករឆ្នើមរបស់ខ្លួនបានឡើយ៕
ប្រភព៖ DailyMail
