ក្រុមអ្នកគាំទ្រ Liverpool បានទៅដល់ទីក្រុងគៀវប្រទេសអ៊ុយក្រែន ហើយដើម្បីត្រៀមចូលរួមការប្រកួត UEFA Champions League នៅថ្ងៃស្អែកនេះ។
យ៉ាងណា តាមប្រភពពីក្រុងគៀវមក កាលពីយប់មិញអ្នកគាំទ្រក្រុមហង្សក្រហមមួយក្រុមបានទៅញ៉ាំអីនៅខាងក្រៅ ហើយក៏ត្រូវបានក្រុមជនពាលពាក់ម៉ាស់ជិត មកវាយធ្វើបាបតែម្ដង។ អ្នកគាំទ្រម្នាក់បានប្រាប់ថា ពួកគេញ៉ាំអីនៅក្បែរកីឡដ្ឋានរៀបចំការប្រកួត ភ្លាមនោះក៏មានក្រុមពាក់ម៉ាស់មួយក្រុមមកចូលវាយតែម្ដង។ មិនមានរបួសដល់ស្លាប់ ប៉ុន្តែក៏ត្រូវទ្រោមខ្លួនដែរ។
ការប៉ះគ្នាមួយប្រាវនេះ គឺកើតឡើងមុនការប្រកួត ដែលធ្វើឱ្យសមត្ថកិច្ចក្នុងតំបន់មានការព្រួយបារម្ភ។ ជាក់ស្ដែង នៅថ្ងៃនេះមានអ្នកគាំទ្រក្រុម Liverpool ច្រើននាក់ទៀត នឹងទៅដល់ក្រុងគៀវហើយ។ ស្របពេលក្រុមកីឡាករវិញក៏បានទៅដល់កាលពីយប់មិញនេះដែរ៕ប្រភព៖ DailyMail
