ខ្សែបម្រើ Bradley Johnson នឹងជាប់ពិន័យ៤ប្រកួត ក្រោយពីរូបគេបានទៅខាំកីឡាករ Joe Allen របស់ក្រុម Stoke City ក្នុងការប្រកួតកាលពីពេលកន្លងទៅ។
កីឡាករទាំងពីរខាងលើនេះ បានប៉ះទង្គិចគ្នា បន្ទាប់ពីកីឡាករ Oghenekaro Etebo របស់ក្រុម Stoke ទទួលបានកាតក្រហមបណ្ដេញចេញ ក្នុងជ័យជម្នះ ២-១ លើក្រុម Derby ។ បើតាមការចាក់ឡើងវិញ ឃើញថា Johnson បានព្យាយាមខាំកីឡាករ Allen នៅលើស្មា ក្នុងការប៉ះទង្គិចគ្នានោះ។ ដោយសារតែការពិនិត្យទៅ គឺជាចេតនារបស់កីឡាករ ដូច្នេះខាង FA ក៏បានសម្រេចចិត្តពិន័យរូបគេមិនឱ្យចូលលេងការប្រកួត៤ប្រកួតចាប់ពីសប្ដាហ៍នេះទៅ។
ការខាំកីឡាករដៃគូប្រកួតនេះដែរ គឺស្រដៀងទៅនឹងករណីរបស់ខ្សែប្រយុទ្ធ Suarez របស់ក្រុមអ៊ុយរុយហ្គាយ ប៉ុន្តែនៅគ្រានោះ កីឡាករកំពុងលេងនៅក្លឹប FC Barcelona ទទួលបានការពិន័យធ្ងន់ជាងនេះ ហើយក៏សន្យាមិនឱ្យវាកើតឡើងទៀតដែរ។ ដោយឡែក សម្រាប់ Johnson វិញ រូបគេមិនទទួលស្គាល់ឡើយ ហើយបញ្ជាក់ថាគ្រានោះ រូបគេមិនបានខាំដៃគូឡើយ៕ប្រភពDailyMail