ខ្សែបម្រើ Perisic របស់ក្រុម Inter Milan សឹងតែផ្លាស់ទៅលេងនៅក្លឹប Manchester United បានសម្រេចទៅហើយកាលពីឆ្នាំ២០១៧ទៅ ប៉ុន្តែក្រោមហេតុផលមួយទើបរូបគេសម្រេចបន្ដនៅអ៊ីតាលី។
ខ្សែបម្រើដែលស៊ុតឱ្យក្រុមក្រូអាតនៅវគ្គពាក់កណ្ដាលផ្ដាច់ព្រ័ត្រពានរង្វាន់ World Cup 2018 នៅឆ្នាំ២០១៧ គឺទទួលបានប្រកាសផ្ទេរទៅកាន់ក្លឹបបិសាចក្រហមទៅហើយ។ ប៉ុន្តែនៅពេលក្លឹប Inter Milan តែងតែអ្នកចាត់ការថ្មី ហើយបានមកនិយាយជាមួយខ្លួនផ្ទាល់ទើបការផ្ទេរនោះមិនបានសម្រេចទៅវិញ ហើយក៏ព្រមបន្ដនៅអ៊ីតាលីទៀត។ ជាមួយការផ្ទេរមិនបានសម្រេចដែរ កីឡាករវ័យ២៩ឆ្នាំរូបនេះបញ្ជាក់ថានោះគឺជាការសម្រេចចិត្តដែលត្រឹមត្រូវមួយដែលមិនទៅលេងនៅអង់គ្លេស។
Perisic បាននិយាយដូច្នេះថា៖ “វាគឺជារឿងពិតដែលខ្ញុំសឹងតែសាញ៉េទៅហើយ ខ្ញុំសឹងតែចាកចេញពីទីនេះទៅហើយ ប៉ុន្តែអ្នកចាត់ការថ្មីក៏មកដល់ ហើយគាត់បាននិយាយជាមួយខ្ញុំ នួវអ្វីដែលខ្ញុំចង់បាន។ ដូច្នេះហើយទើបខ្ញុំបន្ដនៅទីនេះ។ ក្នុងវិស័យបាល់ទាត់អ្វីក៏អាចកើតឡើងបានដែរ ហើយខ្ញុំសប្បាយចិត្តនៅទីនេះ ប៉ុន្តែទៅថ្ងៃមុខក៏មិនអាចមើលឃើញដែរ”៕ប្រភពDailyMail