ភ្នាក់ងារ​ទីផ្សារ​ថា Bale ​ចង់​ទៅ​លេង​នៅ Juventus ​ជា​មួយ Ronaldo ​

លោក Jonathan Barnett ​ភ្នាក់ងារ​ទីផ្សារ​របស់​កីឡាករ Gareth Bale ​បាន​បញ្ជាក់​ថា​ខ្សែ​ប្រយុទ្ធ​រូប​នេះ ​ក៏​មាន​ចិត្ត​ចង់​ទៅ​លេង​ជាមួយ Cristiano Ronaldo ​នៅ​ក្លឹប Juventus ​ដែរ។

កីឡាករ​ជម្រើស​ជាតិ​វែល ​ត្រូវ​បាន​គេ​ដឹង​ថា​ចង់​ចាកចេញ​ពី​ក្លឹប Real Madrid ​កាល​ពី​រដូវកាល​មុន​មក​ម្ល៉េះ ដោយសារ​តែ​រូបគេ​មិន​សួវ​បាន​ចូល​លេង​ជាប់​ជម្រើស​១១​នាក់​ដំបូង។ ខណៈ​ដែល​ពេល​នេះ ​ក្រោម​ការ​ដឹក​នាំ​របស់​អ្នក​ចាត់ការ​ថ្មី ​Bale ​ហាក់​មាន​ឱកាស​ច្រើន​វិញ ក្នុង​ការ​បង្ហាញ​ខ្លួន​ក្នុង​ការ​ប្រកួត។

ត្បិត​តែ​យ៉ាង​នេះ​មែន ​បើ​តាម​លោក Jonathan ភ្នាក់ងារ​ទីផ្សារ​របស់ Bale ​គឺ​មិន​អាច​ធានា​បាន​ថា​ឆ្នាំ​ក្រោយ​ៗ​ទៀត ​អតីត​កីឡាករ Spurs ​នេះ​នៅ​តែ​បន្ដ​លេង​ឱ្យ​អធិរាជ​ស​នោះ​ទេ។ រូបគេ​មាន​បំណង​ចង់​លេង​ជាមួយ​កីឡាករ​បំផុត​លើ​លោក នោះ​គឺ Cristiano Ronaldo ​។ ​តាំង​ពី​កីឡាករ​ព័រទុយហ្គាល់​នេះ​ចេញ​ទៅ ​កីឡាករ​ក្នុង​ក្រុម Real Madrid ​ទាំង​អស់​ហាក់​ដូចជា​មិន​ចង់​លេង​ឡើយ ​ហើយ​ពួកគេ​ចង់​ទៅ​លេង​នៅ​លីគ​អ៊ីតាលី​ច្រើន​ជាង​។

Bale ​នា​រដូវ​កាល​នេះ​រក​បាន​៦​គ្រាប់​ឱ្យ​ក្រុម Real Madrid ​ឈរ​ឈ្មោះ​ជា​អ្នក​រក​គ្រាប់​បាល់​បាន​ច្រើន​ជាង​គេ បន្ទាប់​ពី Karim Benzema ​ធ្វើ​បាន​១០​គ្រាប់៕ប្រភពDailyMail

ភ្ជាប់ទំនាក់ទំនងជាមួយ CTS SPORT