ក្លឹប Real Madrid នឹងកាន់តែមានសង្ឃឹមច្រើនថែមទៀតក្នុងការយកបានកីឡាករ Brahim Diaz នាខែមករាខាងមុខនេះ ក្រោយពីសាមីខ្លួនបដិសេធកុងត្រាជាមួយក្លឹប Manchester City ។
Brahim Diaz ជាយុវជនឆ្នើមម្នាក់របស់ក្រុម Man City ដោយធ្វើឱ្យក្រុមជាច្រើនចង់បានរូបគេ។ ក្នុងនោះ Man City ផ្ទាល់ក៏ព្យាយាមបន្ដកុងត្រារយៈពេលវែងដើម្បីរក្សាទុកគ្រាប់ពេជ្រមួយនេះដែរ ប៉ុន្តែការព្យាយាមម្ដងជា២ដង មិនទាន់បានសម្រេចឡើយ។ ផ្ទុយទៅវិញ ក្លឹប Real Madrid ឯណោះ ដែលចាប់អារម្មណ៍រូបគេនោះ អាចនឹងមានសង្ឃឹមកាន់តែច្រើនហើយ ព្រោះក្លឹបយក្សអេស្ប៉ាញមួយនេះ ជាបេក្ខភាពឈានមុខគេក្នុងការដាក់ដេញថ្លៃ។
Diaz វ័យ១៩ឆ្នាំជាកីឡាករមានទេពកោសល្យម្នាក់ ហើយការចង់ការចេញពីក្លឹប Man City នេះ គឺដោយសារតែរូបគេមិនសួវមានឱកាសបានលេងឡើយក្រោមការដឹកនាំរបស់លោក Pep Guardiola៕ប្រភពDailyMail