ខ្សែប្រយុទ្ធវ័យ ២២ ឆ្នាំត្រូវបានចោទប្រកាន់ពីបទប៉ុនប៉ងរំ.លោភ ហិ.ង្សាផ្លូវ.ភេទកាលពីខែតុលា ឆ្នាំ២០២២ ប៉ុន្តែការចោទប្រកាន់ និងសំណុំរឿងត្រូវបានទម្លាក់ចោលនៅខែកុម្ភៈ ឆ្នាំ២០២៣ នៅពេលដែលសាក្សីសំខាន់ៗបានដកខ្លួនចេញ។Greenwood ដែលកំពុងខ្ចីជើងពី Manchester United នៅក្លឹប Getafe របស់ La Liga បានបើកចំហរក្នុងការផ្ទេរ ឬខ្ចីជើងផ្សេងទៀត ប៉ុន្តែរបាយការណ៍ថ្មីបានបង្ហាញថាក្រុមរបស់ Manchester United មិនប្រឆាំងនឹងគាត់ត្រឡប់មកក្លឹបវិញនោះទេ។
យោងតាមរបាយការណ៍ពី The Sun បានអះអាងថា ការស្ទង់មតិមួយត្រូវបានធ្វើឡើងដោយបន្ទប់ស្លៀកពាក់របស់ Man United ដោយកីឡាករផ្តល់នូវការគាំទ្ររបស់ពួកគេសម្រាប់ Greenwood ក្នុងការវិលត្រឡប់មកវិញ។នៅក្នុងបទសម្ភាសន៍មួយកាលពីខែមុន ម្ចាស់ភាគហ៊ុនថ្មី លោក Sir Jim Ratcliffe បានណែនាំថា លទ្ធភាពសម្រាប់ការត្រឡប់មកវិញរបស់ Greenwood មិនត្រូវបានបិទទាំងស្រុងនោះទេ។
ទោះជាយ៉ាងណាក៏ដោយ ការវិលត្រឡប់របស់គាត់អាចបង្កឱ្យមានការមិនពេញចិត្តផ្ទៃក្នុង ជាពិសេសពីក្រុមស្ត្រី ដែលត្រូវបានគេរាយការណ៍ថាប្រឆាំងនឹងគំនិតនេះ៕