Neymar ជាកីឡាករម្នាក់គេចាប់អារម្មណ៍ខ្លាំងក្នុងការប្រកួតរវាងក្រុម PSG ទល់ក្រុម Liverpool នៅការប្រកួតសន្សំពិន្ទុ UEFA Champions League កាលពីយប់មិញនេះ។
Neymar នៅតែដួលច្រើនដដែលក្នុងការប្រកួតសំខាន់នេះ រហូតដល់កីឡាករខាងក្រុម Liverpool ខឹងខ្លាំងមែនទែន ចំពោះការធ្វើពុតជាដួលនេះ។ ខណៈដែលអ្នកវិភាគវិញ ក៏មើលឃើញថាកីឡាករប្រេស៊ីលនេះ មានល្បិចដួលនេះដែរ ហើយវាមិនមែនជារឿងដែលត្រូវធ្វើច្រើនយ៉ាងនេះទេ ក្នុងការប្រកួតសំខាន់ៗអិចឹង។
អ្នកវិភាគនៅ Dailymail បានបញ្ជាក់ថាប្រសិនបើ Neymar នៅតែបន្ដការធ្វើពុតជាដួលនេះទៀត នោះឱកាសក្លាយជាកីឡាករកំពូលលើលោករបស់គេ នឹងមិនអាចកើតមានឡើងបានឡើយ។ សមត្ថភាពមានហើយ ប៉ុន្តែបើអត្តចរិតនៅតែមិនកែទៀត រូបគេគ្មានថ្ងៃអាចឈានដល់ចំណុចកំពូលដូច Ronaldo និង Messi ឡើយ។ កីឡាករម្នាក់ដែលពេញលេញគឺជាកីឡាករមានទាំងទេពកោសល្យ វិន័យ និងលេងអស់ពីសមត្ថភាព មិនមានល្បិចកេញចំណេញពីលើដៃគូឡើយ៕ប្រភពDailyMail
