Cristiano Ronaldo បានបញ្ជាក់ថាខ្លួនគេមានក្បូន ធ្វើឱ្យកម្លាំង កាយសម្បទា ដូចអាយុ២៣ឆ្នាំអីចឹង បើទោះជាបច្ចុប្បន្នមានអាយុ៣៣ឆ្នាំហើយក៏ដោយ។
Ronaldo មិនទាន់មានអារម្មណ៍ថាខ្លួនឯងបាក់កម្លាំងបន្តិចឡើយ បើទោះជាលេងបាល់ច្រើនឆ្នាំនិងឈ្នះពានរង្វាន់រាប់មិនអស់ក៏ដោយ។ កីឡាករវ័យ៣៣ឆ្នាំខាងលើនេះ ចង់លេងបាល់យ៉ាងតិចក៏ដល់អាយុ៤១ឆ្នាំដែរ ទើបសម្រេចចិត្តព្យួរស្បែកជើង ឬធ្វើអ្វីផ្សេងទៀត ហើយការលេងរបស់គេគឺចង់បានពានរង្វាន់ជានិច្ច។
“ខ្ញុំមានអារម្មណ៍ថាខ្លួនឯង មានកម្លាំង ដូចនៅអាយុ២៣ឆ្នាំ។ ទាំងនេះមកពីខ្ញុំមានវិធី ធ្វើឱ្យរាងកាយម៉ាំមួន។ ដូច្នេះហើយ ខ្ញុំមានពេលយ៉ាងតិចក៏១០ឆ្នាំទៀតដែរជាមួយបាល់ទាត់។ យើងនឹងលេងផ្ដាច់ព្រ័ត្រនៅថ្ងៃសៅ ហើយអ្នកគាំទ្រទាំងអស់នឹងលើកទឹកចិត្តយើង ដើម្បីសម្រេចគោលដៅ”។ សម្ដី Ronaldo ។
អតីតកីឡាករ Man Utd ខាងលើនេះជាតួអង្គសំខាន់មិនអាចខ្វះបានរបស់ Real Madrid ។ នារដូវកាលនេះ រូបគេរកបាន១៥គ្រាប់ ក្នុង១២ប្រកួតនៅ UCL ឈរជា Top Scorer ក្នុងពានរង្វាន់នេះ៕ប្រភព៖ DailyMail
