ក្នុងជំនួបរវាង Real Madrid ជាមួយនឹង Getafe បានបន្សល់ទុកនៅបញ្ហាមួយ ដោយវីដេអូបែកធ្លាយមួយត្រូវបានគេចោទប្រកាន់ទៅលើតារាឆ្នើម Real Madrid កីឡាករ Jude Bellingham ថាបានប្រើពាក្យប្រមា.ថទៅលើកីឡាករខ្ចីជើងពី Man Utd រួមសញ្ជាតិ Greenwood។របាយការណ៍របស់អេស្ប៉ាញបានអះអាងថា Bellingham អាចត្រូវបានដាក់ទណ្ឌកម្មរហូតដល់ ៤ប្រកួត នេះបើយោងតាមបទប្បញ្ញត្តិ ប្រសិនបើវាត្រូវបានគេចាត់ទុកថាគាត់បាននិយាយពាក្យប្រមា.ថចំពោះ Greenwood។

យោងតាម The Sun បានឱ្យដឹងថា Greenwood បានជំរុញឱ្យទម្លាក់ចោលការស៊ើបអង្កេតទៅលើ Bellingham ដើម្បីជៀសវាងការដាក់ទណ្ឌកម្ម។Mason បានប្រាប់ពួកគេថាគាត់មិនចង់ឱ្យ Jude ត្រូវគេដាក់ទណ្ឌកម្មទេ ហើយបានសុំឱ្យពួកគេទម្លាក់វាចោល។ គាត់មិនចង់ឲ្យមានការផ្សព្វផ្សាយរឿងអាក្រក់នោះតទៅទៀតទេ ដោយគ្រាន់តែចង់បន្តការលេងបាល់ទាត់ដោយស្ងប់ស្ងាត់។ គាត់មានការពិបាកចិត្តខ្លាំងណាស់នៅពេលនោះ ដោយគាត់មិនរំពឹងថាលឺពាក្យនោះចេញពី Jude នោះទេ។ ប៉ុន្តែគាត់ដឹងថាគាត់តែងតែជាគោលដៅសម្រាប់ពាក្យបែបនេះ ដូច្នេះគាត់ត្រូវបានគេទទួលយកដោយគាត់ត្រូវតែធ្វើមុខក្រាស់បន្តិច។

គណៈកម្មាធិការប្រកួតប្រជែងរបស់សហព័ន្ធបាល់ទាត់អេស្បាញត្រូវបានគេរាយការណ៍ថាបានទទួលរបាយការណ៍ពីអ្នកជំនាញការអានបបូរមាត់ បន្ទាប់ពីវាត្រូវបានបញ្ជាដោយ RFEF ក្នុងរយៈពេលប៉ុន្មានថ្ងៃបន្ទាប់ពីឧប្បត្តិហេតុនេះ។

សាក្សីអ្នកជំនាញ និងជាអ្នកអានបបូរមាត់កោសល្យវិច្ច័យលោក Jeremy Freeman ថាគាត់មានទំនុកចិត្ត ៩៧ភាគរយថា Bellingham បាននិយាយពាក្យប្រមា.ថទៅ Greenwood ក្នុងអំឡុងពេលប្រកួត។ ចៅក្រមស៊ើបអង្កេតត្រូវបានតម្រូវឱ្យប្រមូលព័ត៌មានដែលមានទាំងអស់អំពីអ្វីដែលបានកើតឡើង រួមទាំងការនិយាយទៅកាន់ភាគីពាក់ព័ន្ធទាំងអស់ទាក់ទងនឹងឧប្បត្តិហេតុនៅយប់នោះ។

ចៅក្រមនឹងស្នើដាក់ទណ្ឌកម្ម ឬច្រានចោលពាក្យបណ្តឹងតាមសំណើ Greenwood៕