Cristiano Ronaldo បានក្លាយជាកីឡាករដំបូងគេបំផុតដែលលេងនៅ UEFA Champions League បានឈ្នះ១០០ប្រកួត បន្ទាប់ពីជួយក្រុម Juventus យកឈ្នះលើក្រុម Valencia ក្នុងលទ្ធផល ១-០។
ខ្សែប្រយុទ្ធវ័យ៣៤ឆ្នាំខាងលើនេះ នៅតែធ្វើបានល្អនិងបង្កើតកំណត់ត្រាជាបន្ដបន្ទាប់ បើទោះជារូបគេបានចាកចេញពីក្លឹប Real Madrid ហើយក៏ដោយ។ ជាក់ស្ដែងនៅយប់មិញ រូបគេបានបញ្ជូនបាល់១គ្រាប់ឱ្យទៅ Mario Mandzukic ដើម្បីរកគ្រាប់បាល់ជ័យជម្នះឱ្យក្រុម Juventus ។ ជ័យជម្នះនេះ ក៏បានធ្វើឱ្យក្រុមយក្សនៅអ៊ីតាលីនេះ កក់កៅអីឡើងវគ្ក១៦ក្រុមចុងក្រោយផងដែរ ទោះសល់១ប្រកួតក្នុងដៃ។
ដោយឡែកសម្រាប់ពានរង្វាន់ UEFA Champions League នេះវិញ Ronaldo លើកបាន៥ដងមកហើយ ដោយនៅបិសាចក្រហមម្ដង និង Real Madrid ៤ដង។ រូបគេមានបំណងមួយទៀតគឺចង់លើកពាននេះជាលើកទី៦ ជាមួយក្រុម Juventus នៅរដូវកាលនេះតែម្ដង៕ប្រភពGoal
