Klopp ​ថា​ជឿ​ជាក់​១០០​% ​ក្រុម Liverpool ​នឹង​ឡើង​វគ្គ​បន្ដ

លោក Jurgen Klopp ​អ្នក​ចាត់ការ​ក្រុម Liverpool ​មាន​ទំនុក​ចិត្ត​១០០​% ​លើ​ក្រុម​របស់​ខ្លួន ​ថា​នឹង​អាច​យក​ឈ្នះ PSG ​ហើយ​ឡើង​ទៅ​វគ្គ​បន្ដ​បាន។

នៅ​យប់​ម៉ោង​៣​រំលង​អាធ្រាត្រ​យប់​នេះ ​គូ​ពិសេស PSG ​នឹង​ត្រូវ​បើក​កីឡដ្ឋាន​របស់​ខ្លួន​ស្វាគមន៍​ក្រុម​ភ្ញៀវ Liverpool ​ហើយ ​ដើម្បី​ស្វែង​រក​ពិន្ទុ​បន្ថែម​នា​ប្រកួត​ទី​៥​វគ្គ​សន្សំ​ពិន្ទុ​ពាន​រង្វាន់ UEFA Champions League ​។ មុន​ការ​ប្រកួត​ជក់​ចិត្ត​នេះ​កើត​ឡើង ​លោក Klopp ​ដែល​ជា​អ្នក​ចាត់ការ​ក្រុម​ហង្ស​ក្រហម​បាន​និយាយ​ថា​លោក​មាន​ជំនឿ​ចិត្ត​១០០​%​លើ​កូន​ក្រុម​របស់​ខ្លួន​ថា​នឹង​ធ្វើ​បាន​ល្អ ​យក​បាន​៣​ពិន្ទុ។

ហង្ស​ក្រហម ​ឆ្លង​កាត់​៤​ប្រកួត​មែន ប៉ុន្តែ​មិន​ទាន់​ធានា​កៅអី​ឡើង​វគ្គ​បន្ដ ​ឬ​ធ្លាក់​ត្រឹម​វគ្គ​នេះ​ឡើយ។ ដោយ​បច្ចុប្បន្ន​ពួកគេ​ទើប​តែ​មាន​៦​ពិន្ទុ ឈរ​នៅ​លេខ​២ ​ស្រប​ពេល PSG ​នៅ​លេខ​៣ ​មាន​៥​ពិន្ទុ ​និង​ក្រុម Crvena Zvezda ​ឈរ​លេខ​៤​មាន​៤​ពិន្ទុ។ ​ក្រុម​កំពូល​តារាង​គឺ Napoli ​មាន​៦​ពិន្ទុ៕ប្រភពDailyMail

 

ភ្ជាប់ទំនាក់ទំនងជាមួយ CTS SPORT