អតីតអ្នកចាត់ការក្លឹប Barcelona លោក Ronald Koeman គាំទ្រសម្តីអ្នកស្នងតំណែងរបស់គាត់ លោក Xavi Hernandez ទាក់ទងនឹងបទពិសោធន៍នៃការបង្វឹកនៅ Camp Nou។ បន្ទាប់ពីបានប្រកាសលាលែងពីដំណែងនៅចុងបញ្ចប់នៃរដូវកាលនេះ Xavi បានប្រាប់សារព័ត៌មានថា ការងារនេះមិនស្រួលទេ វាឃោរ.ឃៅណាស់។
លោក Koeman មានការអាណិតអាសូរចំពោះគ្រូបង្វឹកបច្ចុប្បន្ន លោក Xavi ទាក់ទងនឹងសម្ពាធការងារ ដូចដែលគាត់បានប្រាប់ Good Morning Eredivisie ថា៖
“ការធ្វើជាគ្រូបង្វឹក Barca គឺជាការងារវាយ.ប្រហារលើសុខភាពផ្លូវចិត្ត។ វាជារឿងសប្បាយជាងក្នុងការក្លាយជាកីឡាកររបស់ Barcelona ជាជាងគ្រូបង្វឹក។
កំឡុងពេលលោកជាគ្រូបង្វឹកក្រុម Barcelona លោក Koeman ក៏បានជួបបញ្ហាបេះដូង ដែលសម្រាកព្យាបាលនៅមន្ទីរពេទ្យមួយរយៈពេលខ្លី។
“វាជារឿងពិបាកបំផុតដែលខ្ញុំធ្លាប់ធ្វើ។ ខ្ញុំបានរងសម្ពាធ និងភាពតានតឹង។ ខ្ញុំក៏មានជម្លោះជាមួយ Laporta មិនដូច Xavi នោះទេ។
គាត់បានមកពីកាតា ហើយក្រោយមកបានចូលដឹកនាំក្លឹប Barcelona។ គាត់មិនធ្លាប់មានសារព័ត៌មានអវិជ្ជមានទេ គាត់បានត្រឹមតែទទួលបានការសរសើរ។ សារព័ត៌មានបានភ្ជុងក្បាលអ្នក។ ប្រសិនបើអ្វីៗដំណើរការមិនល្អ វាជាកំហុសរបស់គ្រូបង្វឹក។ ខ្ញុំក៏ទទួលរងនូវភាពតានតឹង និងសម្ពាធនោះដែរ”៕
