ក្រុមបិសាចក្រហម Manchester United បានឡើងវគ្ក១៦ក្រុមចុងក្រោយ Champions League ហើយ បន្ទាប់ពីយកឈ្នះលើក្រុម Young boys ក្នុងលទ្ធផល ១-០ កាលពីយប់មិញនេះ។
ការប្រកួតពិតជាស្វិតស្វាញសម្រាប់ក្រុម Man Utd ដោយមានឱកាសជាច្រើន ប៉ុន្តែធ្វើមិនបានសម្រេចទៅវិញ។ អ្នកគាំទ្រត្រូវរង់ចាំដល់នាទី៩០ទើបអាចអបអរជ័យជម្នះនេះបាន ដោយខ្សែបម្រើMarouane Fellaini ជាអ្នកធ្វើបានសម្រេច។ ១គ្រាប់នេះដែរ ក៏បានធ្វើឱ្យលោក Jose Mourinho សប្បាយចិត្តខ្លាំង និងអបអរជាមួយការគប់ដបទឹកកីឡាករផឹកផងដែរ។
អ្នកចាត់ការល្បីឈ្មោះជាងគេលើលោកនេះ បាននិយាយក្រោយការប្រកួតថា៖ “ទុកឱ្យខ្ញុំផ្ញើសារខ្លះទៅអ្នកអ្នកគាំទ្រជាទីស្រលាញ់របស់ខ្ញុំ។ ខ្ញុំលេង UEFA Champions League ១៤ដង ឡើងទាំង១៤ដង ហើយ២ឆ្នាំខ្ញុំមិនលេងពាននេះ គឺឈ្នះ Europa League ទាំង២ឆ្នាំ”។
និយាយពីការគប់ដបទឹកនេះដែរ Jose អាចនឹងត្រូវពិន័យពីខាងសំណាក់ UEFA ចំពោះកាយវិការនេះ។ ខណៈដែលលោកធ្លាប់ត្រូវ FA ពិន័យម្ដងហើយ ដោយគ្រានោះទាត់ដបទឹក ត្រូវពិន័យមិនឱ្យឈរបញ្ជាកូនក្រុម១ប្រកួត៕ប្រភពDailyMail