សែបម្រើស្លាបសញ្ជាតិបែលហ្ស៊ិក Eden Hazard បានមកដល់ Real Madrid ក្នុងនាមជាកីឡាករល្អបំផុតមួយរូបក្នុងពិភពលោក ប៉ុន្តែអាជីពរយៈពេល 4 ឆ្នាំរបស់គាត់នៅរដ្ឋធានីអេស្ប៉ាញបានប្រែក្លាយទៅជាអាប់អួរ។ការរួមបញ្ចូលគ្នានៃរបួស និងទម្រង់លេងមិនល្អធ្វេីឲ្យ Hazard ស្ទើរតែមិនអាចត្រូវបានគេចាត់ទុកជាកីឡាករក្នុងក្រុម។ លោក Carlo Ancelotti បានបង្អាក់គាត់នៅដំណាក់កាលនោះ ដែលនាំទៅដល់ការបញ្ចប់កិច្ចសន្យាទៅវិញទៅមក។ ប៉ុន្មានសប្តាហ៍ក្រោយមក Hazard បានប្រកាសចូលនិវត្តន៍។
និយាយទៅកាន់ L’Equipe អតីតកីឡាករ Hazard បានសារភាពគួរឱ្យភ្ញាក់ផ្អើលថា៖
“ខ្ញុំជាអ្នកគាំទ្រ Zinedine Zidane តាំងពីខ្ញុំនៅក្មេង។ Bernabeu ឈុតពណ៌ស… វាមានមន្តស្នេហ៍ដែលអ្នកដទៃមិនមាន។ Real Madrid គឺពិសេស។លើសពីនេះ ខ្ញុំគិតថាខ្ញុំមិនសក្តិសមទេ វាមិនដូចខ្ញុំទេ។ វាជាក្លឹបមួយដែលមានភាពស្វាហាប់ ហើយខ្ញុំមិនដូចនោះទេ។ ខ្ញុំក៏មិនចូលចិត្តរបៀបដែលយើងលេងដែរ ប្រសិនបើអ្នកប្រៀបធៀបវាទៅនឹងក្លឹបផ្សេងទៀត។ ប៉ុន្តែវាគឺជាសុបិនរបស់ខ្ញុំ។ ខ្ញុំមិនអាចបញ្ចប់អាជីពរបស់ខ្ញុំដោយមិនបានមកទីនេះទេ”៕