ការប្រកួត Copa Libertadores រវាង River Plate និង Boca វគ្គផ្ដាច់ព្រ័ត្រ បានផ្អាកជាផ្លូវការហើយ បន្ទាប់ពីមានការបង្កហិង្សាកើតឡើងជាច្រើនលើកនៅពេលជិតដល់ការប្រកួត។
គណៈកម្មាធិការនឹងធ្វើការប្រជុំសម្រេចស្វែងរកដំណោះស្រាយនៅពេលឆាប់ៗនេះ។ ដោយក្នុងនោះ ក្រុង Genoa របស់អ៊ីតាលីបានចូលខ្លួនមកសុំធ្វើជាម្ចាស់ផ្ទះឬដីកណ្ដាលសម្រាប់ការប្រកួតខាងលើ ដើម្បីបញ្ចៀសហិង្សាកើតឡើងបន្ថែមទៀត។ ពានរង្វាន់ Copa Libertadores នៅតំបន់អាមេរិកខាងត្បូងនេះ គឺដូចនឹងពានរង្វាន់ UEFA Champions League នៅអឺរ៉ុបដែរ ដោយការប្រកួតមានការគាំទ្រខ្លាំងមែនទែន។
ជាក់ស្ដែងវគ្គផ្ដាច់ព្រ័ត្រ River Plate ប៉ះ Boca Junior ថែមទៀតនោះ គឺរឹតតែធំសម្បើមនិងជក់ចិត្តខ្លាំងមែនទែន ព្រោះថាក្រុមទាំងពីរនៅអាហ្សង់ទីនដូចគ្នា ហើយក៏ជាក្រុមមានអ្នកគាំទ្រស្ម័គ្រស្លាប់ដូចគ្នាដែរ។ ដូច្នេះហើយទើបការលេងនៅវគ្គផ្ដាច់ព្រ័ត្រទឹកដី River Plate មានអ្នកគាំទ្រ វាយប្រហារលើក្បួនឡានរបស់ក្រុម Boca រហូតដល់មានកីឡាកររបួសច្រើននាក់ និងកើតជាការផ្អាកការប្រកួតនេះ៕ប្រភពDailyMail
