ខ្សែការពារ Gerard Pique ត្រូវផាកពិន័យ ៤៨ ០០០អឺរ៉ូ (ជាង៥ម៉ឺនដុល្លារ) ចំពោះការបើកបរដោយគ្មានប័ណ្ណបើកបរត្រឹមត្រូវរបស់គេ។
រឿងពិន័យនេះ កើតឡើងតាំងពីខែសីហាឆ្នាំនេះម្ល៉េះ ប៉ុន្តែទើបសម្រេចជាផ្លូវការនៅម្សិលមិញនេះ។ ក្នុងលិខិតពិន័យនោះ គឺបានបញ្ជាក់ថា Gerard Pique បានបើកឡាន Audi របស់ខ្លួនទៅហាងលក់ឥវ៉ាន់ដ៏ល្បីមួយកន្លែងនៅ Paseo de Gracia។ ប៉ុន្តែត្រូវបានប៉ូលិសហៅឈប់ និងសួរនាំចំពោះប័ណ្ណបើកបររបស់គេថាហួសសុពលភាព និងមិនទាន់ត្រឹមត្រូវ។ មួយវិញទៀត រូបគេក៏បានជាប់ពីបម្រាមបើកបរមួយចំនួនផងដែរ តាំងពីឆ្នាំ២០១៧មក។
ត្បិតអីអតីតកីឡាករជម្រើសជាតិអេស្ប៉ាញម្នាក់នេះ ធ្លាប់បង្កកំហុសច្រើនមែនទែនចំពោះការបើកបររបស់ខ្លួន ជាពិសេសល្មើសទៅនឹងស្លាកសញ្ញានានាតែម្ដង៕ប្រភពDailyMail