ក្រុម Liverpool នឹងត្រូវតតាំង ជាមួយក្រុម PSG ក្នុងការប្រកួតសន្សំពិន្ទុពានរង្វាន់ UEFA Champions League នៅថ្ងៃស្អែកនេះហើយ ដោយលេងនៅទឹកដីបារាំង។
មុនការប្រកួតជក់ចិត្តនេះចាប់ផ្ដើម គេសង្កេតឃើញថាក្រុម Liverpool កំពុងមានក្ដីបារម្ភមួយ គឺខ្សែប្រយុទ្ធសំខាន់របស់ខ្លួន Mane មានជំងឺ។ ដោយជំងឺនេះ អាចនឹងធ្វើឱ្យរូបគេអវត្តមាន ឬបានលេងដោយមិនពេញសមត្ថភាពឡើយ ព្រោះឈឺជិតការប្រកួតមកដល់ពេក។ ខណៈដែលម្ចាស់ផ្ទះឯណោះ ក៏មិនទាន់ច្បាស់រឿងខ្សែប្រយុទ្ធសំខាន់២នាក់របស់ខ្លួន Mbappe និង Neymar ថាអាចចូលលេងបានឬនៅដែរ ក្រោយពីរបួសពេលលេង ឱ្យក្រុមជម្រើសជាតិ។
ហង្សក្រហម ឆ្លងកាត់៤ប្រកួតមែន ប៉ុន្តែមិនទាន់ធានាកៅអីឡើងវគ្គបន្ដ ឬធ្លាក់ត្រឹមវគ្គនេះឡើយ។ ដោយបច្ចុប្បន្នពួកគេទើបតែមាន៦ពិន្ទុ ឈរនៅលេខ២ ស្របពេល PSG នៅលេខ៣ មាន៥ពិន្ទុ និងក្រុម Crvena Zvezda ឈរលេខ៤មាន៤ពិន្ទុ។ ក្រុមកំពូលតារាងគឺ Napoli មាន៦ពិន្ទុ៕ប្រភពDailyMail
