• AirAsia ​នឹង​បញ្ចុះ​តម្លៃ​សំបុត្រ​យន្ដហោះ ​សម្រាប់​អ្នក​គាំទ្រ​ម៉ាឡេ ​ពេល​ប៉ះ​ថៃ

    បើ​តាម CEO ​របស់​ក្រុមហ៊ុន​អាកាស​ចរ AirAsia ​បាន​​បញ្ជាក់​ថា​លោក​នឹង​រៀប​ចំ​កញ្ចប់​បញ្ចុះ​តម្លៃ​ពិសេស​១​សម្រាប់​អ្នក​គាំទ្រ​ម៉ាឡេស៊ី ដែល​មាន​បំណង​ចង់​លើក​ទឹក​ចិត្ត​ក្រុម​ជម្រើស​ជាតិ​លេង​ទល់​ក្រុម​ថៃ​នៅ​បាងកក។

    ពាន​រង្វាន់ AFF Suzuki Cup 2018 ​បាន​ឈាន​ដល់​វគ្គ​ពាក់​កណ្ដាល​ផ្ដាច់ព្រ័ត្រ​ហើយ ​ដោយ​ក្រុម​ម៉ាឡេស៊ី ​ប៉ះ​ក្រុម​ថៃ ​និង​វៀតណាម​ប៉ះ​ក្រុម​ហ្វីលីពីន។ ការ​ប្រកួត​នៅ​វគ្គ​នេះ​ដែរ ​នឹង​ធ្វើ​ឡើង​២​ជើង ​គឺ​ក្រៅ​ដី​ក្នុង​ដី។ ដោយ​ខាង​ក្រុម​អ្នក​គាំទ្រ​ម៉ាឡេស៊ី ​បាន​បង្ហោះសារ​សុំ​ឱ្យ​លោក Fernandes ​ដែល​ជា CEO ​របស់ AirAsia ​ជួយ​សម្រួល​ដល់​ការ​ដំណើរ​របស់​ក្រុម​អ្នក​គាំទ្រ​ម៉ាឡេស៊ី​ផង។

    ជាមួយ​ការ​សុំ​នេះ​ដែរ ​លោក Fernandes ​​បាន​បញ្ជាក់​ថា​លោក​កំពុង​តែ​រក​វិធី​ដើម្បី​បញ្ចុះ​តម្លៃ​ពិសេស​ដល់​អ្នក​គាំទ្រ​ទាំង​អស់​នោះ​ហើយ។ ត្បិត​អី​ជើង​ហោះហើរ​នេះ គឺ​ជា​ក្រុមហ៊ុន​របស់​ប្រទេស​ម៉ាឡេស៊ី​ផ្ទាល់​ផង​ដែរ។ ជើង​ទី​១​រវាង​ក្រុម​ម៉ាឡេស៊ី​និង​ថៃ ​ត្រូវ​លេង​ថ្ងៃ​ទី​១​ខាង​មុខ ​ទឹក​ដី​ម៉ាឡេ ​ខណៈ​ដែល​ជើង​ទី​២ ​នឹង​លេង​នៅ​ទឹក​ដី​ថៃ ​នា​ថ្ងៃ​ទី​៥​ខែ​ធ្នូ​ឆ្នាំ​២០១៨៕ប្រភពfoxsportsasia

     

    ភ្ជាប់ទំនាក់ទំនងជាមួយ CTS SPORT