David de Gea នឹងក្លាយជាអ្នកចាំទីទទួលបានប្រាក់តម្លៃ ខ្លួនខ្ពស់ជាងគេបំផុតនៅលើលោកនេះ ប្រសិនបើសម្រេចចិត្តផ្លាស់ទៅលេងនៅក្លឹប PSG ។Manchester United នៅមិនទាន់មានកុងត្រាថ្មីណាមួយកើតឡើងចំពោះអ្នកចាំទី De Gea នៅឡើយទេ ស្របពេលកុងត្រាចាស់នឹងអស់នៅចុងឆ្នាំ២០១៩ខាងមុខនេះហើយ។ មានក្លឹបជាច្រើននាកំពុងតាមប្រមាញ់កីឡាករអេស្ប៉ាញរូបនេះ ហើយ PSG ឯណោះបានឱ្យតម្លៃខ្ពស់លើសពីការរំពឹងទុកតែម្ដង។
ក្រុមអ្នកមានបារាំង បានបោះកុងត្រាឱ្យ De Gea ៤ឆ្នាំ ហើយតម្លៃពលកម្មវិញគឺដល់៦០លានផោន។ នេះជាតម្លៃខ្លួនខ្ពស់ជាងគេបំផុតនៅលើលោកសម្រាប់អ្នកចាំទីនាពេលបច្ចុប្បន្ននេះ។ បើសិនជាបិសាចក្រហមមិនអាចរក្សាអ្នកចាំទីកំពូលរបស់ខ្លួនម្នាក់នេះបានទេ នោះវាជាការបាត់បង់ដ៏ធំសម្រាប់ក្រុមរបស់លោក Jose Mourinho ហើយ៕
ប្រភព៖ DailyMail