Barcelona និង Real Madrid បានស្វាគមន៍ចំពោះសេចក្តីសម្រេចរបស់តុលាការអឺរ៉ុបដែលអនុញ្ញាតឱ្យពួកគេបង្កើត Superleague ដោយគ្មានទណ្ឌកម្មពី UEFA ឬ FIFA កាលពីថ្ងៃព្រហស្បតិ៍ ប៉ុន្តែសម្រាប់ផ្នែកភាគច្រើនវាត្រូវបានបដិសេធយ៉ាងទូលំទូលាយពីកីឡាករសំខាន់ៗរបស់បាល់ទាត់។ទោះយ៉ាងណាក៏ដោយ នាយកប្រតិបត្តិ លោក Bernd Reichart ដែលជាអ្នករៀបចំនៅពីក្រោយ Superleague អះអាងថាវាមានរឿងច្រេីននៅពីក្រោយអ្វីដែលយេីងឃេីញ។
នៅប្រទេសអេស្ប៉ាញ ក្លឹប La Liga និង Segunda មួយចំនួនបានបដិសេធ Superleague។ ក្លឹបធំៗក៏មានដូចជា Bayern Munich, Borussia Dortmund, Paris Saint-Germain និង Roma បានធ្វើដូចគ្នា ខណៈដែលសមាជិកស្ថាបនិក Manchester United និង Atletico Madrid ប្រញាប់ប្រកាសការប្រឆាំងរបស់ពួកគេជាសាធារណៈ។ ប៉ុន្តែនិយាយទៅកាន់ Cadena Cope លោក Reichart បាននិយាយថាក្រុមមួយចំនួនបានទាក់ទងមកគាត់អំពីគម្រោងនេះ។លោកបានថ្លែងការកត់សម្គាល់ថា៖
“ក្លឹបខ្លះដែលបានបដិសេធនោះ ថ្ងៃនេះបានទូរស័ព្ទមកខ្ញុំ ហើយប្រាប់ខ្ញុំថា ‘យើងនិយាយថាទេ ប៉ុន្តែយើងនៅទីនេះដែរ’។”
គាត់បានបន្តទៀតថា៖
“យើងត្រូវតែបញ្ចុះបញ្ចូលក្លឹបឱ្យបាត់បង់ការភ័យខ្លាច។ អ្នកត្រូវតែមានការគាំទ្រពីក្លឹប និងអ្នកគាំទ្រ។ ជំហ៊ាននៃការសន្ទនាមួយទៀតចាប់ផ្តើម ហើយយើងនឹងទាក់ទងក្លឹបដែលនឹងត្រូវចូលរួម។ យើងទើបតែវាយកម្ទេចជញ្ជាំងមួយហេីយ ឥឡូវយើងមិនបង្ខំក្លឹបឲ្យចូលរួមទៀតទេ”៕
ប្រភព៖ បរទេស