ក្រុម Real Madrid បានបរាជ័យក្រោមថ្វីជើ Eibar ក្នុងលទ្ធផល ៣-០ នាការប្រកួតក្របខណ្ឌ La Liga កាលពីយប់មិញនេះ។បរាជ័យនេះដែរ បានធ្វើឱ្យលោក Solari អ្នកចាត់ការក្រុមអធិរាជសមើលឃើញថាក្រុមរបស់ខ្លួនមានបញ្ហាខ្លាំងមែនទែននៅតំបន់ការពារ។ ដែលធ្វើឱ្យក្រុមរបូតគ្រាប់បាល់ច្រើនមែនទែននារដូវកាលនេះ។ លទ្ធផលនេះដែរ អ្នកចាត់ការរូបនេះ ព្រមទទួលនិងចាត់ទុកថានេះជាទំនួលខុសត្រូវរបស់លោកផ្ទាល់តែម្ដង។
“នេះជាលទ្ធផលដែលយើងមិនរំពឹងថាអីចឹងនោះទេ។ គ្រប់ប្រកួតយើងតែងតែចង់ឈ្នះជានិច្ច ប៉ុន្តែលទ្ធផលចុងក្រោយបែរជាមិនល្អទៅវិញ។ យើងឃើញថាក្រុមរបស់យើង ពិតជាលេងមិនយល់ចិត្តគ្នាសោះនៅតំបន់ការពារ។ នេះជារឿងដែលយើងត្រូវដោះស្រាយ និងស្វែងរកលទ្ធផលល្អមកវិញ”។ សម្ដីរបស់លោក Solari ។
ក្រុម Real Madrid កំពុងស្ថិតនៅចំណាត់ថ្នាក់លេខ៦ក្នុងតារាង La Liga ដោយនៅពីក្រោមក្រុមកំពូលតារាង Barcelona ៥ពិន្ទុ។ ដោយគិតត្រឹម១៣ប្រកួតកន្លងមកនេះ ពួកគេរបូតគ្រាប់បាល់ដល់ទៅ១៩គ្រាប់ទៅហើយ៕
ប្រភព៖ Marca