គ្នាយើងមួយចំនួននៅអត់ទាន់បានស្គាល់ច្បាស់ទេ លុះដល់ថ្ងៃប្រកួតក៏ចេះតែតាមគេតាមឯង ពាក់ព័ន្ធនឹងពានរង្វាន់ FIFA Club World Cup។ នេះជាការប្រកួតសម័យកាលទី ២០ ក្នុងព្រឹត្តិការណ៍រៀបចំឡើងដោយ FIFA ហើយកុំច្រឡំ វាមិនមែនជា World Cup ប្រកួតរវាងប្រទេសទល់ប្រទេស បែរមកវិញ គឺជាការប្រជែងរវាងក្លឹប ចម្រាញ់ចេញពីទ្វីបនៃសហព័ន្ធបាល់ទាត់ទាំង ៦ ក៏ដូចគ្នានឹងក្លឹបតំណាងនាមជាម្ចាស់ផ្ទះ។
សមាសភាពនៃក្លឹបចូលរួមទាំង ៧ ក្នុងឆ្នាំនេះ មានដូចជា៖
Fluminense តំណាងសហព័ន្ធអាមេរិកខាងត្បូង CONMEBOL មានឈ្មោះជាម្ចាស់ជើងឯក Copa Libertadores 2023
Manchester City តំណាងសហព័ន្ធអឺរ៉ុប UEFA មានឈ្មោះជាម្ចាស់ជើងឯក UEFA Champions League 2022/23
Al Ahly ក្លឹបមកពីអេហ្សីប តំណាងសហព័ន្ធអាហ្វ្រិក CAF មានឈ្មោះជាម្ចាស់ជើងឯក CAF Champions League 2022/23
Leon ក្លឹបមកពីម៉ិកស៊ីកូ តំណាងសហព័ន្ធអាមេរិកខាងជើង កណ្តាល និងការីប៊ៀន មានឈ្មោះជាម្ចាស់ជើងឯក CONCACAF Champions League 2023
Urawa Red Diamons ក្លឹបមកពីជប៉ុន តំណាងសហព័ន្ធអាស៊ី AFC មានឈ្មោះជាម្ចាស់ជើងឯក AFC Champions League 2022
Al Ittihad ក្លឹបតំណាងម្ចាស់ផ្ទះអារ៉ាប៊ីសាអូឌីត ជាម្ចាស់ជើងឯក Saudi Pro League 2022/23
Auckland City ក្លឹបមកពីអូស្ត្រាលី តំណាងសហព័ន្ធអូស្យានី OFC មានឈ្មោះជាម្ចាស់ជើងឯក OFC Champions League 2023
ជម្រុះចម្រាញ់ច្រើនតង់ក៏សម្រេចរកបាន ២ ក្លឹបចុងក្រោយឡើងដល់វគ្គផ្តាច់ព្រ័ត្រ ត្រូវប្រកួតនាវេលាម៉ោង ០១:០០ នាទីទៀបភ្លឺ ឈានចូលថ្ងៃសៅរ៍ ទី ២៣ ធ្នូ ម្ល៉េះក៏កុំភ្លេចចុច Follow ទំព័រ CTS SPORTS ទុកម្នាក់មួយ ដើម្បីទទួលបានលីងទស្សនាយ៉ាងឆាប់រហ័ស ច្បាស់ដាច់គេបំផុត។ យើងបង្ហាញ ៣ ចំណុចដែលអ្នកគួរតែដឹង៖
៣) ប្រាក់រង្វាន់ពាន FIFA Club World Cup
នៅល្បាក់ចុងសប្ដាហ៍ខាងមុខ ប្រាក់រង្វាន់ខ្ទង់លានកំពុងរង់ចាំក្លឹបទាំងពីរ ត្រង់តំណែងជើងឯក នឹងទទួលបាន ៤ លានផោន ឬប្រមាណ ៥,០៦ លានដុល្លារ ខណៈតំណែងជើងឯករង នឹងទទួលបាន ៣ លានផោន ឬប្រមាណ ៣,៨០ លានដុល្លារ។ ជាមួយគ្នានោះ ក្លឹបឈរចំណាត់ថ្នាក់លេខ ៣ និងលេខ ៤ ក៏ទទួលបាន ២,៥៣ និង ១,៩០ លានដុល្លារផ្សេងទៀតដែរ។
២) ជាគូប្រជែងដែលមិនធ្លាប់ជួបគ្នាសោះ
ជាការកត់ត្រាប្រវត្តិសាស្រ្តហើយបងប្អូន សម្រាប់ជំនួបសារនេះ ត្រង់ Fluminense ចាប់តាំងការបង្កើតក្លឹប គឺអត់ដែលប៉ះគ្នាទល់ Manchester City សូម្បីម្តង។ វាក៏មិនមែនជារឿងអ្វីត្រូវងឿងឆ្ងល់ច្រើនដែរ ព្រោះក្លឹបទាំងពីរ ស្ថិតនៅទ្វីបមួយចំហៀងម្នាក់ដាច់ដោយឡែក។ រំឭកស្ថិតិនៅព្រឹត្តិការណ៍សារនេះ Flumiense បានយកឈ្នះ Al-Ahly ២-០ ខណៈ City យកឈ្នះ Urawa Red Diamonds ៣-០ កាលពីវគ្គមុន។
១) បទពិសោធន៍ដំបូងដូចគ្នា
ក្លឹបទាំងពីរ ក៏ទើបតែភ្លក់រសជាតិឡើងមកពាន Club World Cup ជាលើកដំបូងដូចគ្នានៅឆ្នាំ ២០២៣។ ដូច្នេះបើខាងណាមួយឈ្នះពាន នោះក៏នឹងសាងកំណត់ត្រាទៀតហើយ ត្រង់ជាពានថ្មីសន្លាងឥតធ្លាប់សម្រេច។ ងាកមកការទស្សន៍ទាយរបស់ CTS SPORTS ថាគូនេះ Man City នឹងដាក់ពេញជើងលេងយកឈ្នះ ២-១ ទៅលើក្លឹបស្ទើរធនធានរបស់ប្រេស៊ីល Flumiense។ ទោះបើអាចទប់ស្មើ ៩០ នាទី ក៏ City នឹងជាអ្នកស៊ុតប៉េណាល់ទីយកឈ្នះដែរ។ ចុះយោបល់របស់គ្នាយើងវិញ?
ប្រភព៖ បរទេស