បន្ទាប់ឆ្លងកាត់វគ្គជម្រុះក្នុងពូល ៦ ប្រកួតកន្លងមក ទីបំផុតយើងក៏សម្រេចឆ្លងមកដល់វគ្គ ១៦ ក្រុមចុងក្រោយ ហើយប្រកាសលទ្ធផលចាប់ឆ្នោតផ្គូផ្គងក្លឹបត្រូវប៉ះគ្នា នៅល្ងាចថ្ងៃចន្ទនេះ។ ដូចសព្វមួយដងច្បាប់នៃការចាប់ឆ្នោត គឺបែងចែកក្លឹបទាំង ១៦ ទៅកាន់ Pot ពីរផ្សេងគ្នា ដោយ Pot ទីមួយតំណាងក្លឹបឈរចំណាត់ថ្នាក់កំពូល និង Pot ទីពីរ ជាក្លឹបឈរលេខរៀងទី ២ ក្នុងពូល។
UEFA នឹងមិនអនុញ្ញាតឲ្យក្លឹបចេញពីពូលតែមួយ ចេញពីប្រទេសតែមួយ អាចផ្គូផ្គងប៉ះគ្នាឡើយ ជាឧទាហរណ៍យ៉ាងខ្លី Manchester City នឹងមិនអាចប៉ះ RB Leipzig ហើយក៏កាន់តែមិនអាចប៉ះ Arsenal។ យ៉ាងណាច្បាប់នេះ នឹងត្រូវដកចោលចាប់ពីវគ្គ ៨ ក្រុម ឬ ១/៤ ផ្តាច់ព្រ័ត្រ។ ជាលទ្ធផលការចាប់ឆ្នោតវគ្គ ១៦ ក្រុមមានដូចតទៅនេះ៖
FC Porto VS Arsenal
Napoli Vs Barcelona
PSG Vs Real Sociedad
Inter Milan Vs AT Madrid
PSV Vs Dortmund
Lazio Vs Bayern Munich
Copenhagen Vs Man City
RB Leipzig Vs Real Madrid
គួរឲ្យដឹងថា កាលបរិច្ឆេទប្រកួតនឹងធ្វើឡើងនៅចន្លោះថ្ងៃទី ១៣/១៤ និង ២០/២១ កុម្ភៈ សម្រាប់ជើងទី ១ ហើយ ៥/៦ និង ១២/១៣ មិនា សម្រាប់ជើងទី ២។ គ្រប់គូពិសេសទាំងអស់ក៏នឹងមានផ្សាយបន្តផ្ទាល់លើទំព័រ CTS SPORTS ផងដែរ៕
ប្រភព៖ UEFA