Kylian Mbappe មិនជាប់ឈ្មោះក្នុងបញ្ជី៥នាក់ចុងក្រោយ ដណ្ដើមពានរង្វាន់ Golden Boy 2018 ឡើយ បើទោះជារូបគេឈ្នះពានរង្វាន់ World Cup 2018 ជាមួយជម្រើសជាតិបារាំងក៏ដោយ។
ចំពោះបញ្ជីទាំង៥នាក់នោះវិញ គឺ Trent Alexander-Arnold របស់ Liverpool កីឡាករ Vinicius Junior របស់ក្រុម Real Madrid និងកីឡាករ៣នាក់ទៀតគឺ Patrick Cutrone , Dutch duo Justin Kluivert និង Matthijs de Ligt។ ដោយបញ្ជីឈ្មោះចុងក្រោយ៥នាក់នេះ ពិតជាធ្វើឱ្យអ្នកគាំទ្រភ្ញាក់ផ្អើលជាខ្លាំង។
Mbappe វ័យ១៩ឆ្នាំ ជាកីឡាករម្នាក់ដែលត្រូវបានមតិទូទៅគិតថានឹងអាចឈ្នះពានរង្វាន់កិត្តិយសខាងលើនេះ២ឆ្នាំជាប់គ្នាមិនខាន ប៉ុន្តែគួរឱ្យសោកស្ដាយនៅឆ្នាំនេះរូបគេបែរជាមិនជាប់សូម្បី Top5 ទៅវិញ។ យ៉ាងណាមិញ វាមិនទាន់ចេញជាផ្លូវការនៅឡើយទេ ថានរណានឹងឈ្នះពានរង្វាន់ Golden Boy នេះ ដោយការប្រកាសអ្នកឈ្នះនឹងធ្វើឡើងនៅថ្ងៃទី១៧ខែធ្នូឆ្នាំ២០១៨ខាងមុខនេះ។
ពានរង្វាន់ខាងលើនេះ បង្កើតឡើងដោយ Tuttosport របស់អ៊ីតាលី នៅឆ្នាំ២០០៣។ ការបោះឆ្នោតធ្វើឡើងដោយក្រុមអ្នកកាសែត៣៥ស្ថាប័នផ្សេងគ្នា ដើម្បីបោះឆ្នោតស្វែងរកអ្នកឈ្នះ៕ប្រភពDailyMail
