Ruben Neves ត្រូវបានគេរាយការណ៍មកថាធុញទ្រាន់នឹង Saudi Pro League ហើយចង់ត្រលប់ទៅ Premier League វិញ ដោយ Newcastle United កំពុងតាមដានយ៉ាងយកចិត្តទុកដាក់លើស្ថានភាពនេះ។Neves គឺជាកីឡាករម្នាក់ក្នុងចំណោមកីឡាករល្បីៗជាច្រើនដែលបានផ្លាស់ទៅកាន់ Saudi Pro League នៅរដូវក្តៅនេះ។ Al-Hilal បានចំណាយប្រាក់ 55 លានអឺរ៉ូដើម្បីចុះហត្ថលេខាលើគាត់ក្នុងកិច្ចសន្យារយៈពេល 3 ឆ្នាំពី Wolverhampton Wanderers ជាក្លឹបដែលគាត់បានបង្ហាញខ្លួន 253 ដងក្នុងអំឡុង ពេលស្នាក់នៅរយៈពេល 6 ឆ្នាំ។

ប៉ុន្តែយោងតាមគេហទំព័រអ៊ីតាលី Calciotale14.it ឥឡូវនេះ Neves ចង់ត្រឡប់ទៅប្រទេសអង់គ្លេសវិញ បន្ទាប់ពីរយៈពេលប្រាំខែកន្លះនៅទីក្រុងរីយ៉ាដ។ ជាក់ស្តែង Newcastle កំពុងតាមដានស្ថានភាពរបស់កីឡាករអន្តរជាតិព័រទុយហ្គាល់ ខណៈដែលពួកគេកំពុងស្វែងរកអ្នកបីជំនួស Sandro Tonali ដែលទើបតែត្រូវបានព្យួរ។កាលពីខែមុន សហព័ន្ធបាល់ទាត់របស់ប្រទេសអ៊ីតាលីបានហាមឃាត់ Tonali មិនឱ្យលេងបាល់ទាត់រយៈពេល 10 ខែសម្រាប់បទល្មើសទាក់ទងនឹងការ ភ្នា.ល់ល្បែងសុីសងខុសច្បា.ប់។ ទន្ទឹមនឹងនោះ Neves មិនមានបញ្ហាក្នុងការស្វែងរកនាទីទៀងទាត់ក្រោមអ្នកចាត់ការ Jorge Jesus នោះទេ។

ខ្សែបម្រើវ័យ 26 ឆ្នាំរូបនេះបានបង្ហាញខ្លួនក្នុងការប្រកួតចំនួន 17 ប្រកួត ដោយស៊ុតបញ្ចូលទីបាន 2 គ្រាប់ និងបញ្ជូនបាល់ឱ្យមិត្តរួមក្រុមម្តង។ Al-Hilal ក៏ជាអ្នកនាំមុខគេនៅដំណាក់កាលនៃរដូវកាលនេះជាមួយនឹង 35 ពិន្ទុពី 13 ប្រកួត៕

ប្រភព៖ បរទេស