Messi ទទួលបាន Ballon d’Or ទីប្រាំបីកាលពីថ្ងៃចន្ទនៅទីក្រុងប៉ារីស។ វាកើតឡើងបន្ទាប់ពីមួយឆ្នាំដែលគាត់បានឈ្នះ World Cup នៅកាតា ក៏ដូចជាពានរង្វាន់ Ligue 1 ជាមួយ Paris Saint-Germain។
Messi ស៊ុតបញ្ចូលទីបាន ៣៨ គ្រាប់ក្នុងរដូវកាល ២០២២/២៣ តិចជាង Mbappe ១៦ គ្រាប់ និងតិចជាង Haaland ១៨ គ្រាប់ ដែលជាអ្នកឈ្នះពានរង្វាន់ Gerd Müller។
Rothen មានការរិះគន់យ៉ាងខ្លាំងចំពោះការសម្រេចចិត្តផ្តល់ពានរង្វាន់ដ៏មានកិត្យានុភាពដល់ Messi ។ គាត់បាននិយាយថា៖
“គួរឲ្យខ្មាស់អៀនណាស់! ពិតជាគួរឲ្យអាម៉ាស់ណាស់! សម្រាប់ខ្ញុំ Haaland គួរតែឈ្នះវា។ នៅចន្លោះខែសីហា ឆ្នាំ២០២២ ដល់ខែមិថុនា ឆ្នាំ២០២៣ តើលក្ខណៈវិនិច្ឆ័យអ្វីខ្លះដែលនាំឱ្យយើងជឿថា Messi ល្អជាងអ្នកផ្សេងទៀត?
ជាទូទៅមិនមានលក្ខណៈវិនិច្ឆ័យណាដែលគាត់នៅលេខមួយនោះទេ។ ប្រសិនបើយើងនិយាយអំពីពានរង្វាន់ គាត់នៅពីក្រោយ Haaland ទោះបីជាគាត់បានឈ្នះ World Cup ក៏ដោយ។
Haaland បានឈ្នះអ្វីៗគ្រប់យ៉ាងជាមួយ Manchester City ហើយជាការពិតណាស់ អ្នកមិនអាចប្រៀបធៀបដោយផ្អែកលើ World Cup បានទេព្រោះ Haaland គឺជាជនជាតិន័រវេស។”
គាត់បានបន្ថែមថា៖
“Haaland បានបំបែកកំណត់ត្រាទាំងអស់ […] សូម្បីតែនៅ PSG ក៏ Messi មិនលើសអ្នកផ្សេងទៀតដែរ។ គាត់មិនមែនជាកីឡាករល្អបំផុតនៅក្លឹបទេ។
វាជាបញ្ហានៅពេលអ្នកឈ្នះ Ballon d’Or ដែលត្រូវបានគេសន្មត់ថាជាកីឡាករល្អបំផុតនៅក្នុងពិភពលោកនោះ មិនមែនជាកីឡាករល្អបំផុតនៅក្នុងក្លឹបរបស់គាត់។
អស់រយៈពេល ៣ ឬ ៤ ឆ្នាំ Messi មិនមែនជាកីឡាករល្អបំផុតក្នុងពិភពលោកទេ។ យើងត្រូវបញ្ឈប់ភាពឆ្កួ.តនេះ។ ហើយក្នុងរយៈពេលបួនឆ្នាំនេះ គាត់បានឈ្នះ Ballon d’Or ចំនួនពីរ។ ដូច្នេះសម្រាប់ខ្ញុំ វាជារឿងគួរឲ្យអាម៉ាស់ណាស់។ ខ្ញុំស្ទេីរមិនជឿនឹងភ្នែកខ្ញុំទេ”៕
ប្រភព៖ បរទេស
