Barca ​ធានា​កៅអី​១១​នាក់​ដំបូង​គ្រប់​ប្រកួត​ឱ្យ Rakitic ​ទើប​រូបគេ​មិន​ចាកចេញ​ទៅ​ណា

កាល​ពី​រដូវ​ក្ដៅ​កន្លង​ទៅ PSG ​បាន​ដាក់​តម្លៃ​៨០​លាន​ផោន ដើម្បី​ទិញ​យក Rakitic ​ពី​ក្រុម FC Barcelona ​ប៉ុន្តែ​មិន​បាន​សម្រេច​ឡើយ។

នៅ​គ្រា​នោះ ​សាមី​ខ្លួន Rakitic ​បាន​និយាយ​ថា​មិន​ចង់​ទៅ​លេង​នៅ​ទីណា​ក្រៅ​ពី Barcelona ​ឡើយ ទើប​មិន​សម្រេច​ចិត្ត​ចាកចេញ​ទៅ​ណា។ យ៉ាងណាមិញ ​មាន​រឿង​មួយ​ទៀត​ដែល​នៅ​ពី​ក្រោយ​នេះ គឺ Barcelona ​ឯ​ណោះ ​បាន​ដាក់​លក្ខខណ្ឌ​មួយ​យ៉ាង​ល្អ​សម្រាប់​រូបគេ។ លោក Valverde ​បាន​ធានា​ដល់​កៅអី​ជម្រើស​១១​នាក់​ដំបូង​គ្រប់​ប្រកួត​តែ​ម្ដង​ដល់ Rakitic ​ទើប​បាន​ជា​គេ​សម្រេច​ចិត្ត​បន្ដ​ស្នាក់​នៅ។

នា​នៅ​រដូវ​កាល​នេះ ​នៅ​លីគ​អេស្ប៉ាញ La Liga ​ខ្សែ​បម្រើ​ក្រូអាត​ពិត​ជា​បាន​លេង​ជម្រើស​១១​នាក់​ដំបូង​រហូត​មែន ដោយ​១២​ប្រកួត​កន្លង​មក ​លេង​បាន​ជម្រើស​១១​នាក់​ដំបូង​បាន​១១​ប្រកួត​ទៅ​ហើយ។ យ៉ាងណាមិញ រូបគេ​នៅ​ត្រូវ​ខកខាន​លេង​២​ទៅ​៣​សប្ដាហ៍​ខាង​មុខ​នេះ ​ក្រោយ​ពី​មាន​របួស​ពេល​លេង​ឱ្យ​ក្រុម​ជម្រើសជាតិ​ក្រូអាត ​ទល់​ក្រុម​អេស្ប៉ាញ ​ក្នុង​ពាន​រង្វាន់ UEFA Nations League ៕ប្រភពDailyMail

 

ភ្ជាប់ទំនាក់ទំនងជាមួយ CTS SPORT