Harry Maguire បានចាប់ផ្តើមការប្រកួត Premier League ជាប់ៗគ្នាជាលើកទីពីរ ហើយបានឈរប្រឆាំងទល់នឹងអតីតក្លឹបរបស់គាត់នៅឯ Bramall Lane ខណៈដែលបិសាចក្រហមបានកត់សម្គាល់ពីការមរណៈភាពរបស់ Sir Bobby Charlton ដោយទទួលបានបីពិន្ទុ។
អាជីពរបស់ខ្សែបម្រើកណ្តាលអង់គ្លេសនៅ Old Trafford ហាក់ដូចជាចប់ហើយ បន្ទាប់ពីគាត់ត្រូវបានដកចេញពីតំណែងប្រធានក្រុម និងអនុញ្ញាត ឱ្យស្វែងយល់ពីលទ្ធភាពនៃការចុះហត្ថលេខាទៅ West Ham នៅរដូវក្តៅ ប៉ុន្តែគាត់តែងតែប្តេជ្ញាចិត្តដើម្បីទទួលបានការពេញចិត្តពី Ten Hag មកវិញ។
គាត់ហាក់ដូចជាកំពុងធ្វើវាឥឡូវនេះ ដោយអ្នកចាត់ការជនជាតិហូឡង់ចាប់អារម្មណ៍នឹងការលេងរបស់គាត់។
Erik Ten Hag បាននិយាយក្រោយចប់ការប្រកួតថា៖
“ខ្ញុំត្រូវតែនិយាយថា Harry កំពុងលេងដូចដែលយើងចង់ឱ្យគាត់លេង។ គាត់សកម្មខ្លាំងណាស់ចេញពីការកាន់កាប់បាល់ គ្រប់គ្រងគូប្រកួត របស់គាត់ បោះជំហានចូលនៅពេលចាំបាច់ យល់ពីការប្រកួត គ្របដណ្តប់បានល្អ ប៉ុន្តែក៏មានសាច់បាល់ល្អណាស់ដែរ បោះជំហានចូល បញ្ជូនបាល់ល្អ ប្តូរចង្វាក់លេង ជាការពិតណាស់ ខ្ញុំសប្បាយចិត្តជាមួយនឹងការលេងរបស់គាត់”៕
ប្រភព៖ បរទេស