ប្រធានក្លឹប Barcelona លោក Joan Laporta បានច្រានចោលការចោទប្រកាន់ពីបទសូកប៉ាន់ប្រឆាំងនឹងគាត់នៅក្នុងការស៊ើបអង្កេតដែលកំពុងបន្តលើ ករណី Negreira។Laporta មិនស្ថិតក្រោមការស៊ើបអង្កេតដំបូងឡើយ រហូតទាល់តែចៅក្រម Joaquin Aguirre Lopez បានកែសម្រួលការបកស្រាយរបស់គាត់អំពីលក្ខន្តិកៈ នៃការកំណត់សម្រាប់ការស៊ីសំណូក និងអំពើពុករលួយផ្នែកកីឡា។
លក្ខន្តិកៈនៃការកំណត់សម្រាប់ការចោទប្រកាន់បែបនេះមានរយៈពេល ១០ ឆ្នាំ ហើយត្រូវបានផ្តោតលើទសវត្សរ៍ដែលឈានទៅដល់ការចាប់ផ្តើមនៃការ ស៊ើបអង្កេតចន្លោះពីខែមីនា ឆ្នាំ២០១៣ ដល់ខែមីនា ឆ្នាំ២០២៣ ប៉ុន្តែចៅក្រមបានសំរេចថា តាមពិតទៅវាគួរតែទាក់ទងនឹងដប់ឆ្នាំមុនពេលឧប្បត្តិហេតុ ចុងក្រោយកើតឡើងដែលស្ថិតនៅក្រោមការស៊ើបអង្កេតដែលក្នុងករណីនេះគឺពីឆ្នាំ២០០៨ ដល់ឆ្នាំ២០១៨។
Laporta ដែលកាន់តំណែងជាប្រធានក្លឹប Barcelona លើកដំបូងរហូតដល់ឆ្នាំ២០១០ ដូច្នេះឥឡូវស្ថិតក្រោមការស៊ើបអង្កេត ហើយត្រូវបានចោទប្រកាន់ពីបទសូកប៉ាន់។
Laporta បានប្រាប់វិទ្យុ Catalunya Radio ថា៖
“ខ្ញុំស្ងប់ស្ងាត់ រឹងមាំ និងរៀបចំរួចរាល់នូវអំណះអំណាង។ ថ្ងៃនេះខ្ញុំនិយាយម្ដងទៀតព្រោះខ្ញុំមិនយល់ស្រប ហើយខ្ញុំជឿថាការចោទប្រកាន់នេះគ្មានមូលដ្ឋានទេ។យើងអាចស្ងប់ទៅបានក្នុងរឿងនេះ នឹងមានដូចករណីជាច្រើនដែលចៅក្រមនេះបានលើកឡើងហើយបានបញ្ចប់ការប្តឹង។ គាត់ថាយើងបានសូកប៉ាន់អាជ្ញាកណ្តាល វាមិនពិតទេ! យើងបានដឹងពីប្រវត្តិរបស់គាត់ថា វាអាចទៅរួចដែលគាត់នឹងស៊ើបអង្កេតយើង”៕
ប្រភព៖ បរទេស