ក្លឹប Arsenal កំពុងតាមប្រមាញ់យកខ្សែបម្រើ Jean-Michael Seri ពីក្រុម Nice ក្នុងតម្លៃខ្លួន៣៥លានផោន។
លោក Unai Emery ក្រោយពីបានតំណែងជាអ្នកចាត់ការថ្មីរបស់ក្រុម Arsenal ហើយ ពេលនេះលោកកំពុងតែស្វែងរកកីឡាករថ្មីមកបន្ថែមនៅក្នុងក្រុម។ អតីតអ្នកចាត់ការក្រុម PSG រូបនេះ មានបំណងចង់បានកីឡាករ Seri តាំងពីរដូវកាលមុនមកម្ល៉េះ ប៉ុន្តែមិនបានសម្រេច។ រហូតមកដល់ក្លឹបកាំភ្លើងធំ លោកនៅតែរក្សាចិត្តចង់បានខ្សែបម្រើរូបនេះដដែល។
កីឡាករវ័យ២៦ឆ្នាំខាងលើ មិនត្រឹមតែមាន Arsenal ចង់បាននោះទេ នៅមានក្លឹប៣ទៀតក៏ចង់បានដែរ រួមមាន Manchester United , Chelsea និង Dortmund ជាដើម។ រូបគេលេង ឱ្យ Nice តាំងពីឆ្នាំ២០១៥ បង្ហាញខ្លួនបាន១០១ប្រកួត រកបាន១១គ្រាប់ ក្នុងនាមជាខ្សែបម្រើកណ្ដាល៕ប្រភព៖ DailyMail