SSC Napoli បានសុំទោសលោក Victor Osimhen បន្ទាប់ពីបានបង្ហោះ TikTok ប្រមាថលើកីឡាករកាលពីដើមសប្តាហ៍នេះ។
Osimhen បានគំរាមចាត់វិធានការផ្លូវច្បាប់ប្រឆាំងនឹងម្ចាស់ជើងឯក Serie A បន្ទាប់ពីក្លឹបបានបង្ហោះវីដេអូ TikTok ដ៏គួរឱ្យភ្ញាក់ផ្អើល បន្ទាប់ពីស៊ុតបាល់ពិន័យប៉េណាល់ទីមិនជោគជ័យក្នុងលទ្ធផលស្មើ ០-០ ជាមួយ Bologna កាលពីល្ងាចថ្ងៃអាទិត្យ។
ការបង្ហោះនោះបានធ្វើឲ្យខ្សែប្រយុទ្ធរូបនេះខឹងសម្បាជាខ្លាំងដែលឈានដល់លុបរាល់ផុសដែលទាក់ទងនឹង Napoli នៅលើគណនី Instagram ផ្ទាល់ខ្លួនរបស់គាត់ភ្លាមៗនោះ។
កាលពីថ្ងៃពុធ ភ្នាក់ងាររបស់ Osimhen លោក Roberto Calenda បានបញ្ជាក់ថា កីឡាករបានរក្សាសិទ្ធិក្នុងការចាត់វិធានការផ្លូវច្បាប់ចំពោះក្លឹបចំពោះវីដេអូ TikTok ដែលមិនអាចទទួលយកបាន។
ឥឡូវនេះ Napoli បានចេញសេចក្តីថ្លែងការណ៍ផ្លូវការសុំទោសកីឡាករដែលបានស៊ុតបញ្ចូលទីក្នុងជ័យជម្នះ៤-១ លើក្រុម Udinese កាលពីល្ងាចថ្ងៃពុធ ហើយបានបញ្ជាក់ថាពួកគេមិនមានន័យប្រមាថ ឬមើលងាយគាត់ជាមួយនឹងវីដេអូនោះទេ។
“Napoli មានបំណងចង់ជៀសវាងការភ៏ន្តច្រលំលើបញ្ហានេះ ដោយចង្អុលបង្ហាញថាយើងមិនដែលចង់ប្រមាថ ឬចំអក Victor Osimhen ដែលជាទ្រព្យសម្បត្តិរបស់ក្លឹបនេះឡើយ។
ប្រព័ន្ធផ្សព្វផ្សាយសង្គម ជាពិសេស TikTok តែងតែប្រើភាសាបញ្ចេញមតិប្លែកៗ និងច្នៃប្រឌិត តែមិនមែនមានចេតនាប្រមាថ ឬមើលងាយ អ្វីឡើយ។
ក្នុងករណីណាក៏ដោយ ប្រសិនបើ Victor យល់ឃើញថា មានការប្រមាថចំពោះគាត់ នេះមិនមែនជាអ្វីដែលជាចេតនាក្លឹបនោះទេ”៕
