• Giroud​និយាយ​ពី​កៅអី​១១​នាក់​ដំបូង​នៅ Chelsea៖ ខ្ញុំ​នឹង​ប្រឹង​បន្ដ​ទៀត ​មិន​បោះ​បង់​ចោល​ឡើយ​

    Olivier Giroud ​បដិសេធ​មិន​ចាកចេញ​ពី Chelsea ​ឡើយ ​ហើយ​ថែម​ទាំង​បញ្ជាក់​ជំហរ​ប្រឹងប្រែង​ហ្វឹកហាត់ ដើម្បី​យក​ជម្រើស​១១​នាក់​ដំបូង​រាល់​ប្រកួត​​ថែម​ទៀត។

    Giroud ​ខ្សែ​ប្រយុទ្ធ​ដែល​ជួយ​បារាំង​លើក​ពាន World Cup ​កាល​ពី​ពេល​កន្លង​ទៅ ​ប៉ុន្តែ​កំពុង​ធ្វើ​មិន​បាន​ល្អ​នៅ​ក្លឹប Chelsea ​ឡើយ ​ក្រោម​ការ​ដឹក​នាំ​របស់​លោក Sarri ។ នា​រដូវ​កាល​នេះ រូបគេ​ទើប​តែ​បាន​លេង​ជម្រើស​១១​នាក់​ដំបូង​បាន​៤​ប្រកួត​ប៉ុណ្ណោះ ​។ ត្បិត​តែ​យ៉ាង​នេះ​ក្ដី ​អតីត​កីឡាករ Arsenal ​បាន​បញ្ជាក់​ថា​ខ្លួន​នៅ​តែ​សប្បាយ​ចិត្ត​ជាមួយ​ក្រុម​តោខៀវ ​ហើយ​មិន​មាន​ចិត្ត​ចង់​ចាក​ចេញ​នោះ​ទេ។

    ខ្សែ​ប្រយុទ្ធ​វ័យ​៣២​ឆ្នាំ​បាន​និយាយ​ទៀត​ថា​៖ “ខ្ញុំ​មក​ហ្វឹកហាត់​ជាមួយ​ក្រុម​យឺត​ជាង​គេ ​​ខណៈ​ដែល Morata ​មក​លឿន​ជាង​ខ្ញុំ និង​ធ្វើ​បាន​ល្អ​ជាង​ខ្ញុំ។ ថ្ងៃ​នេះ គ្រូ​បង្វឹក​បាន​ធ្វើ​តេស្ដ​សុខភាព ​ហើយ Morata ​នៅ​តែ​ល្អ​ជាង​ខ្ញុំ​ដដែល ប៉ុន្តែ​វា​មិន​បាន​ធ្វើ​ឱ្យ​ខ្ញុំ​បាក់ទឹក​ចិត្ត​ទេ។ ខ្ញុំ​មិន​ចាកចេញ​ទៅ​ណា​ទេ ខ្ញុំ​មិន​បោះបង់​ទេ ខ្ញុំ​នឹង​ខំ​ប្រឹងប្រែង​បន្ដ​ទៀត​នៅ​ទី​នេះ”៕ប្រភពDailyMail

     

    ភ្ជាប់ទំនាក់ទំនងជាមួយ CTS SPORT