បន្ទាប់ពី ១៩ រដូវកាលនៅអឺរ៉ុប Messi បានផ្លាស់ទៅ Inter Miami នៃ Major League Soccer ក្នុងខែកក្កដា ដោយត្រូវបានចាត់ទុកថាជាពេលវេលា ចុងក្រោយនៃអាជីពបាល់ទាត់របស់គាត់។
ដោយបានឈ្នះមេដាយគ្រប់ក្លឹបដែលមានក្នុងកំឡុងពេលគាត់នៅ Barcelona កីឡាករ Messi បានពង្រឹងកេរដំណែលរបស់គាត់ជាកីឡាករដ៏អស្ចារ្យ បំផុតនៃយុគសម័យនេះ ដោយការដឹកនាំអាហ្សង់ទីនឱ្យឈ្នះពាន World Cup ជាលើកដំបូងរបស់ប្រទេសចាប់តាំងពី Diego Maradona លើកពានក្នុងឆ្នាំ ១៩៨៦។
Messi បានចាប់ផ្តើមជីវិតដ៏ល្អឥតខ្ចោះក្នុងទីក្រុង Miami ដោយស៊ុតបញ្ចូលទីក្នុងការបង្ហាញខ្លួនចំនួន ៧ លើកដំបូងរបស់គាត់សម្រាប់ក្លឹបដែលគ្រប់គ្រង ដោយ David Beckham ដើម្បីជួយឱ្យឈ្នះពានរង្វាន់ Leagues Cup ក្នុងខែសីហា។
បន្ទាប់ពីការប្រកួតច្រើនជាង ១០០០ ដង និង ៨០០ គ្រាប់ Messi បានឆ្លុះបញ្ចាំងពីអាជីព និងអនាគតរបស់គាត់នៅក្នុងបទសម្ភាសន៍ជាមួយ Migue Granados នៅលើ OLGA។
Messi បាននិយាយពីការងារបន្ទាប់ក្រោយបញ្ចប់អាជីពថា៖
“ខ្ញុំមានសំណាងណាស់ដែលបានធ្វើការងារដែលខ្ញុំស្រលាញ់ ទោះបីជាខ្ញុំមានទំនួលខុសត្រូវ និងមានគោលដៅក៏ដោយ វានៅតែជាការងារ ដែលខ្ញុំរីករាយនឹងធ្វើ។ តើខ្ញុំនឹងធ្វើអ្វីបន្តទៀត? ខ្ញុំមិនដឹងទេ។ ខ្ញុំចង់ក្លាយជានាយកកីឡា នៅផ្ទះជាមួយកូនៗ ឬបង្រៀនបាល់ទាត់”៕