អ្នកកាសែតអេស្ប៉ាញ Jose Alvarez អះអាងថា កំពូលតារាឆ្នើមរបស់ក្លឹប Real Madrid កីឡាករ Jude Bellingham នឹងគ្មានកន្លែងលេងនៅក្នុងក្រុម Barcelona ឡើយ បើទោះបីជាគាត់ចាប់ផ្តើមដ៏អស្ចារ្យនៅ Santiago Bernabeu ក៏ដោយ។
Bellingham គឺជាតារាដ៏លេចធ្លោម្នាក់នៅអឺរ៉ុបក្នុងដំណាក់កាលដំបូងនៃរដូវកាលនេះ។ ខ្សែបម្រើសញ្ជាតិអង់គ្លេសរូបនេះស៊ុតបញ្ចូលទីបាន ៦ គ្រាប់ និងបញ្ជូនបាល់ឱ្យមិត្តរួមក្រុមស៊ុតបញ្ចូលទីបាន ១ គ្រាប់ក្នុងការប្រកួតចំនួន ៦ ដង។
គ្រាប់ចុងក្រោយរបស់កីឡាករវ័យ ២០ ឆ្នាំរូបនេះគឺជាគ្រាប់ដ៏សំខាន់នៅនាទី ៩០+៤ ក្នុងជ័យជម្នះ ១-០ របស់ Real Madrid លើក្រុម Union Berlin ក្នុងពានរង្វាន់ UEFA Champions League។
អតីតកីឡាករវ័យក្មេងរបស់ក្លឹប Borussia Dortmund បានដើរតាមគន្លងរបស់ Cristiano Ronaldo ដែលបានក្លាយជាកីឡាករទីពីរ ដែលអាចរក គ្រាប់បាល់បាន ៤ គ្រាប់ក្នុង ៤ ប្រកួតដំបូងរបស់គាត់សម្រាប់ក្លឹប។
ទោះជាយ៉ាងណាក៏ដោយ Alvarez បានអះអាងយ៉ាងក្លាហានថា Bellingham នឹងមិនអាចទៅលេងក្នុងក្រុម Barcelona នោះទេ។ គាត់ទទូចថា Frenkie de Jong និង Joao Felix គឺល្អជាងកីឡាករអង់គ្លេស ដោយប្រាប់ទូរទស្សន៍ El Chiringuito ថា៖
“Jude Bellingham នឹងគ្មានកន្លែងលេងនៅ Barca នោះទេ។ ខ្ញុំនឹងមិនប្តូរគាត់ជាមួយ De Jong ឬ Joao Felix នោះទេ”៕