Bonucci បានចំណាយពេលភាគច្រើននៃអាជីពរបស់គាត់នៅ Juventus ដោយបានលេងពីរដងនៅក្លឹបរវាងឆ្នាំ ២០១០ ដល់ ២០១៧ និង ២០១៨ ដល់ ២០២៣។
ការលេងជាលើកទីពីររបស់គាត់នៅ Juventus បានឈានដល់ទីបញ្ចប់នៅក្នុងខែសីហា ដោយខ្សែការពារកណ្តាលរូបនេះបានបញ្ចប់កិច្ចសន្យារបស់គាត់ ហើយបានចុះហត្ថលេខាជាមួយក្រុម Union Berlin នៃក្របខ័ណ្ឌ Bundesliga។
ប៉ុន្តែពេលនេះ យោងតាមអ្នកកាសែតអ៊ីតាលី Di Marzio កីឡាករ Bonucci បានសម្រេចចិត្តចាត់វិធានការផ្លូវច្បាប់ប្រឆាំងនឹងអតីតក្លឹបរបស់គាត់។
វាត្រូវបានអះអាងថាមេធាវីរបស់គាត់នឹងបន្តសកម្មភាពនៅថ្ងៃអង្គារនេះ រួមមាន ការស្នើសុំសំណងសម្រាប់ការខូចខាតដោយសារការចោទប្រកាន់ថាខ្វះ ការបណ្តុះបណ្តាលគ្រប់គ្រាន់ និងលក្ខខណ្ឌរៀបចំដែលមានសម្រាប់ Bonucci ដែលរងការខូចខាតវិជ្ជាជីវៈ និងប៉ះពាល់ដល់មុខមាត់របស់កីឡាករ។
លើសពីនេះ របាយការណ៍បន្ថែមថា Bonucci នឹងបរិច្ចាគចំនួនទឹកប្រាក់ណាមួយដែលកើតចេញពីសកម្មភាពនេះដល់ Neuroland ដែលជាសមាគមជួយ ដល់គ្រួសាររបស់កុមារដែលកំពុងសម្រាកព្យាបាលនៅមន្ទីរពេទ្យ Regina Margherita ក្នុងទីក្រុង Turin ក៏ដូចជា Live Onlus ដែលបរិច្ចាគឧបករណ៍ បន្ទោរបង់ដែលត្រូវបែងចែកទៅក្លឹបកីឡា និង សាលារៀន៕
*[Sportbible]