ក្លឹប Juventus កំពុងរៀបចំដាក់សំណើ១០,៤លានផោនក្នុង១ឆ្នាំ ដើម្បីយកកីឡាករ Aaron Ramsey ក្រោយពីខ្សែបម្រើរូបនេះអស់កុងត្រាជាមួយក្រុម Arsenal ។
កីឡាករវ័យ២៧ខាងលើនឹងចាកចេញពីកាំភ្លើងធំនៅរដូវក្ដៅខាងមុខ ក្រោយចំណាយពេល១០ឆ្នាំជាមួយគ្នា។ ការចាកចេញនេះដែរ ក្លឹបយក្សអាល្លឺម៉ង់ Bayern Munich គឺជាក្រុមមួយដែលត្រូវបានគេដឹងថាមានភាគរយខ្ពស់ជាងគេ ក្នុងការទិញយកកីឡាករវែលរូបនេះ។ យ៉ាងណាមិញ នៅថ្មីៗនេះស្រាប់តែមានដំណឹងមកថាក្លឹប Juventus ឯណោះ ក៏មានចំណាប់អារម្មណ៍ Ramsey ដែរ។
ក្រុមសេះបង្កង់បានដាក់តម្លៃ១០,៤លានផោនក្នុង១ឆ្នាំ ដើម្បីទិញយកខ្សែបម្រើរូបនេះ។ ដោយវាជាតម្លៃខ្លួនថ្លៃបំផុតមួយសម្រាប់កីឡាករនាពេលបច្ចុប្បន្ន។ ប្រសិនបើមិនមានការប្រែប្រួលទេ នោះ Ramsey អាចនឹងពិបាកក្នុងការប្រកែកជាមួយក្រុម Juventus មិនខាន បើទោះជាក្លឹប Bayern Munich ជាអ្នកទាក់ទងមុនក៏ដោយ៕ប្រភពDailyMail
