• Man Utd ​ចង់​បាន Pickford ​បើ​សិន De Gea ​ចាកចេញ​ទៅ

    ក្លឹប Manchester United ​ចង់​បាន​អ្នក​ចាំ​ទី Pickford ​ពី​ក្រុម Everton ​ប្រសិន​ណា​បើ​អ្នក​ចាំទី​បច្ចុប្បន្ន David de Gea ​ពិត​ជា​ត្រូវ​ចាកចេញ​ទៅ​មែន។

    De Gea ​នឹង​ឈាន​ដល់​ឆ្នាំ​ចុង​ក្រោយ​នៃ​កុងត្រា​របស់​គេ​នា​រដូវ​កាល​ក្រោយ​នេះ​ហើយ ខណៈ​ដែល​ការ​បន្ដ​កុងត្រា​ក៏​មិន​ទាន់​មាន​នៅ​ឡើយ​ដែរ។ ដូច្នេះ​ហើយ ​ក្រុម​បិសាច​ក្រហម​កំពុង​បារម្ភ​ថា​រូបគេ​អាច​នឹង​ចាកចេញ​ទៅ បើ​មាន​ក្លឹប​ណា​មួយ​អាច​អន្ទង់​ចិត្ត​និង​ទិញ​យក​គេ​ក្នុង​តម្លៃ​ខ្លួន​សម​ស្រប។ ជាមួយ​នឹង​ក្ដី​បារម្ភ​នេះ ​ក្រុម Man Utd ​បាន​សម្លឹង​មើល​ឃើញ​អ្នក​ចាំ​ទី​ថ្មី​រួច​ទៅ​ហើយ ​គឺ Pickford ។

    Jordan Pickford ​វ័យ​២៤​ឆ្នាំ​ជា​កីឡាករ​លេង​នៅ​ក្លឹប Everton ។ ​កាល​ពី​ឆ្នាំ​២០១៧​កន្លង​ទៅ ​ថ្នាល​យុវជន​របស់​ក្រុម Sunderland ​ខាង​លើ​នេះ​ត្រូវ​បាន​កោះ​ហៅ​ចូល​ជម្រើស​ជាតិ ​ហើយ​អ្វី​ដែល​កាន់​តែ​លេចធ្លោ​នោះ គឺ​រូបគេ​បាន​ក្លាយ​ជា​ដៃ​ទី​១​របស់​អង់គ្លេស ​លេង​នៅ World Cup 2018 ​ទៀត​ផង។ ទម្រង់​ចាប់​បាល់​យ៉ាង​ល្អ​នេះ​ហើយ ធ្វើ​ឱ្យ​ក្រុម Man Utd ​ចាប់​អារម្មណ៍​ក្នុង​ការ​ទិញ​រូបគេ​មក​លេង​នៅ Old Trafford ៕ប្រភពDailyMail

     

    ភ្ជាប់ទំនាក់ទំនងជាមួយ CTS SPORT