ក្រុមអង់គ្លេសបានឡើងទៅវគ្គពាក់កណ្ដាលផ្ដាច់ព្រ័ត្រ UEFA Nations League ហើយ ក្រោយពីយកឈ្នះលើក្រុមក្រូអាត ២-១ នៅយប់មិញនេះ។
អង់គ្លេសលេងបានយ៉ាងល្អ និងឈ្នះការប្រកួតយប់មិញ បានធ្វើឱ្យគ្រូបង្វឹកក្រុមក្រូអាត ឈ្មោះថា Zlatko Dalic យល់ឃើញថាតោកំណាចនឹងខ្លាំងទៅថ្ងៃមុខ ហើយពានរង្វាន់នឹងមកដល់ដៃពួកគេមិនយូរទៀតទេ។ ពួកគេមានកីឡាករក្មេងៗល្អ ដែលអាចនឹងជួយក្រុមបានច្រើននៅថ្ងៃមុខ ព្រោះថ្នាលយុវជននេះ លេងបានល្អយ៉ាងនេះ ច្បាស់ណាស់ពួកគេនឹងកាន់តែល្អថែមទៀតពេលលេងបានច្រើន។
មិនត្រឹមតែគ្រូបង្វឹកទេ សូម្បីតែ Luka Modric ក៏បាននិយាយចំពោះរឿងនេះដែរ។ Modric ថាការប្រកួតយប់មិញ ក្រុមរបស់ខ្លួនធ្វើបានល្អ និងមានឱកាសសមនឹងទទួលបានជ័យជម្នះ ប៉ុន្តែចុងក្រោយមិនមានសំណាង។ អង់គ្លេស ជាក្រុមល្អ កីឡាករក្មេងៗ ល្បឿនលឿននិងបង្កើតឱកាសបានជានិច្ច៕ប្រភពDailyMail
