បញ្ហាហិរញ្ញវត្ថុរបស់ Barca នៅតែបន្តមានក្នុងរយៈពេលប៉ុន្មានឆ្នាំចុងក្រោយនេះ ជាមួយនឹងការខកខានក្នុងការចុះកិច្ចសន្យារបស់ Lionel Messi ដែល ក្រោយមកត្រូវបានបង្ខំឱ្យលក់កីឡាករបាល់ទាត់ដ៏អស្ចារ្យបំផុតគ្រប់ពេលទៅឱ្យ Paris Saint-Germain ដែលកំពុងកសាងក្រុមឆ្ពោះទៅមុខ។
ចាប់តាំងពីពេលនោះមក ក្លឹបបានប្រព្រឹត្តកំហុសលើច្បាប់កំណត់ប្រាក់ខែរបស់ La Liga ជាច្រើនលើកច្រើនសារ។ នៅក្នុងខែមករា ឆ្នាំ២០២៣ Barcelona ត្រូវបានរារាំងដោយលីគពីការចុះហត្ថលេខាជាអចិន្ត្រៃយ៍ ហើយនៅក្នុងទីផ្សារដោះដូរកីឡាករនារដូវក្តៅបច្ចុប្បន្ន ក្លឹបបានខកខានក្នុងការចុះហត្ថលេខា លើ Messi ត្រឡប់មកវិញ ដោយសារតែបញ្ហាទាំងនេះផងដែរ ដោយកីឡាករផ្ទាល់បានសារភាពថាបញ្ហាហិរញ្ញវត្ថុនៅ Barcelona បាននាំឱ្យមានការសម្រេចចិត្តរបស់គាត់ក្នុងការមិនចូលរួមក្លឹបម្ដងទៀត។
ទោះបីជាមិនបានចុះហត្ថលេខាលើ Messi ហើយមានការចំណាយសុទ្ធ ៩៤,៥លានផោននៅរដូវក្តៅនេះ មានតែកីឡាករម្នាក់ប៉ុណ្ណោះដែលក្លឹបចំណាយ លើការចុះកុងត្រាទៅលើ Oriol Romeu ក្នុងតម្លៃ ២,៩២លានផោន តែក្លឹបនៅតែជួបការលំបាកក្នុងការចុះឈ្មោះក្រុមដំបូងមួយចំនួន។
ពីរប្រកួតក្នុងរដូវកាលថ្មី Barcelona មិនទាន់បានចុះឈ្មោះកីឡាករ Alonso, Pena និង Martinez នៅឡើយទេ៕
