Barcelona ត្រូវបានគេរាយការណ៍ថាកំពុងពិចារណាទម្លាក់ Robert Lewandowski ចេញ ហើយជំនួសវិញដោយកីឡាករ Ferran Torres ខណៈដែល ពួកគេកាន់តែអស់ការអត់ធ្មត់ជាមួយខ្សែប្រយុទ្ធប៉ូឡូញ។
Jordi Gil របស់ Diario Sport រាយការណ៍ថា Barcelona កំពុងគិតអំពីការទម្លាក់ Lewandowski ពីរបីប្រកួត។ កីឡាករវ័យ ៣៤ឆ្នាំរូបនេះធ្លាក់ទម្រង់លេងនាពេលថ្មីៗនេះ ហើយអាចនឹងត្រូវជំនួសដោយ Torres ក្នុងជម្រើសដំបូងរបស់ Xavi។
Lewandowski បានបង្ហាញទម្រង់លេងមិនល្អសោះក្នុងការប្រកួតស្មើ ០-០ របស់ Barcelona ជាមួយ Getafe ក្នុងការប្រកួតបើករដូវកាលរបស់ពួកគេ។ គាត់បានបាត់បង់ឱកាសដ៏ធំមួយ ខណៈដែលក្លឹបយក្សកាតាឡានបរាជ័យក្នុងការទទួលបានជ័យជម្នះក្នុងការចាប់ផ្តើមការពារតំណែងជើងឯក La Liga របស់ពួកគេ។
បុគ្គលិកគ្រូបង្វឹករបស់ Barcelona កំពុងសញ្ជឹងគិតអំពីការផ្តល់ឱកាសឱ្យ Torres។ កីឡាករសញ្ជាតិអេស្ប៉ាញរូបនេះបានជួបការលំបាកក្នុងការរកនាទី លេង ចាប់តាំងពីការមកដល់របស់ Lewandowski៕