Spurs និង Bayern បានយល់ព្រមលើតម្លៃខ្លួនសម្រាប់ Kane ដែលត្រូវបានរាយការណ៍ថាមានចំនួន ១០០លានអឺរ៉ូ ដោយកីឡាករវ័យ ៣០ឆ្នាំរូបនេះនឹង ជ្រើសរើសរវាងក្លឹបទាំងពីរ។
ប៉ុន្តែប្រសិនបើខ្សែប្រយុទ្ធចាកចេញពីកីឡដ្ឋាន Tottenham Hotspur នៅប៉ុន្មានថ្ងៃខាងមុខនេះ អ្នកចាត់ការថ្មី Ange Postecoglou នឹងត្រូវស្វែងរកអ្នក ជំនួសភ្លាមៗ។
Richarlison ទំនងជានឹងបំពេញបន្ថែមសម្រាប់ Kane ក្នុងរយៈពេលខ្លី ប៉ុន្តែ Spurs ក៏កំពុងសម្លឹងមើលកីឡាករផ្សេងទៀតដើម្បីចូលមក និងពង្រឹងក្រុម ផងដែរ។
យោងតាមរបាយការណ៍ Spurs កំពុងកំណត់គោលដៅចុះហត្ថលេខាលើកីឡាករ Orban វ័យ ២១ឆ្នាំដែលបានស៊ុតបញ្ចូលទី ២២គ្រាប់ក្នុងការបង្ហាញខ្លួន ២៤ដងសម្រាប់ Gent កាលពីរដូវកាលមុន។
៣គ្រាប់ក្នុងចំណោមគ្រាប់ទាំងនោះត្រូវបានស៊ុតបញ្ចូលទីក្នុងការប្រកួត Europa Conference League ទល់នឹងក្លឹបទួរគី Istanbul Basaksehir កាលពីរដូវកាលមុន ដែលជាការប្រកួតដែល Orban បានបង្កើតប្រវត្តិសាស្ត្រ។
គាត់បានស៊ុត Hattrick ក្នុងរយៈពេល ៣នាទី និង ២៥វិនាទី ដែលជាកំណត់ត្រាលឿនបំផុតមិនធ្លាប់មានក្នុងប្រវត្តិសាស្ត្រនៃការប្រកួតក្លឹប UEFA។
Spurs បាននិយាយទៅកាន់ Orban និងអ្នកតំណាងរបស់គាត់អំពីការផ្ទេរមួយ ហើយពួកគេនឹងមានការចាប់អារម្មណ៍ចំពោះវិធីដែលខ្សែប្រយុទ្ធបានចាប់ ផ្តើមយុទ្ធនាការនេះ៕
*[Sportbible]