• អត់ Ronaldo ​ក្រុម​ព័រទុយហ្គាល់​ឡើង​វគ្គ​បន្ដ​នៅ UEFA Nations League

    ក្រុម​បាល់​ទាត់​ជម្រើស​ជាតិ​ព័រទុយហ្គាល់​បាន​ឡើង​ដល់​វគ្គ Semi-Final ​ពាន​រង្វាន់ UEFA Nations League ​ហើយ ​ក្រោយ​ពី​លេង​បាន​ស្មើ​ក្រុម​អ៊ីតាលី ០-០ ​ឈរ​កំពូល​តារាង​ក្នុង​ពូល។ព័រទុយហ្គាល់ ​ដែល​មិន​មាន​វត្តមាន​របស់ Cristiano Ronaldo ​ពិត​ជា​ធ្វើ​បាន​ល្អ​មែនទែន ​ដោយ​អាច​ឈរ​នៅ​កំពូល​តារាង​តែ​ម្ដង ​ក្រោយ​ពី​លេង​ស្មើ​អ៊ីតាលី ០-០។ ក្រុម​របស់​លោក Fernando Santos ​លេង​នៅ​ពាន​រង្វាន់​នេះ ​ទើប​តែ​បាន​៣​ប្រកួត​ប៉ុណ្ណោះ ​ដោយ​មាន​៧​ពិន្ទុ ​ឈ្នះ​២​ស្មើ​១ ​ខណៈ​ដែល​អ៊ីតាលី​វិញ ​មាន​តែ​៥​ពិន្ទុ ​ហើយ​លេង​ដល់​ទៅ​៤​ប្រកួត​ទៅ​ហើយ។ ក្រុម​បាត​តារាង​ដែល​លេង​៣​ប្រកួត​ដែរ​នោះ​គឺ​ប៉ូឡូញ​មាន​១​ពិន្ទុ។ ដូច្នេះ​បើ​ទោះ​ជា​ព័រទុយហ្គាល់​ត្រូវ​ប្រកួត​ចុង​ក្រោយ​ទល់​ក្រុម​ប៉ូឡូញ​យ៉ាង​នេះ​ក្ដី ​ចាញ់​ឬ​ឈ្នះ ​ពួកគេ​នៅ​តែ​បាន​ឡើង​ទៅ​វគ្គ​បន្ដ​ដដែល។

    គេ​សង្កេត​ឃើញ​ថា​ក្រុម​ម្ចាស់​ពាន​រង្វាន់ Euro 2016 ​លេង​បាន​កាន់​តែ​ល្អ​នៅ​ពេល​ដែល​អត់​មាន Ronaldo ​។ ខ្សែ​ប្រយុទ្ធ​ម្ចាស់​អាវ​លេខ​៧​នេះ ​បាន​បញ្ជាក់​ថា​រូបគេ​នឹង​ចូល​ត្រលប់​មក​ជម្រើស​ជាតិ​វិញ​នៅ​ឆ្នាំ​២០១៩​ខាង​មុខ​នេះ។

    ការ​ដើរ​ចេញ​ពី​ជម្រើស​ជាតិ​មួយ​រយៈ​នេះ ដោយសារ​តែ​រូបគេ​ខក​ចិត្ត​ជាមួយ​ក្រុម​កាល​នៅ World Cup 2018 ៕

    ប្រភព៖ DailyMail

     

    ភ្ជាប់ទំនាក់ទំនងជាមួយ CTS SPORT