ខ្សែបម្រើឆ្នើម Radja Nainggolan បានប្រកាសចូលនិវត្តន៍ភ្លាមៗ ក្រោយពីជម្រើសជាតិបែលហ្សិកមិនបានហៅខ្លួនចូលជម្រើសជាតិទៅលេងនៅ World Cup 2018។
កីឡាករវ័យ៣០ឆ្នាំខាងលើនេះបានជួយក្រុមអាជីព Roma ឡើងដល់វគ្កពាក់កណ្ដាលផ្ដាច់ព្រ័ត្រ ប៉ុន្តែមិនធ្វើឱ្យលោក Roberto Martinez ចាប់អារម្មណ៍ឡើយ។ ក្រោយពីមិនបានជាប់ឈ្មោះនេះភ្លាម កីឡាករ Nainggolan បានប្រកាសភ្លាម ចូលនិវត្តន៍ពីជម្រើសជាតិតែម្ដង។
ចំពោះរឿងមិនយកកីឡាករខាងលើចូលជម្រើសជាតិនេះដែរ គ្រូបង្វឹកបែលហ្សិកបានបញ្ជាក់ថា៖ “Nainggolan ជាកីឡាករឆ្នើមម្នាក់ ប៉ុន្តែគាត់លេងមិនត្រូវតាក់តិចក្រុមឡើយ។ ២ឆ្នាំកន្លងមកនេះ ក្រុមទាំងមូលបាន ធ្វើការយ៉ាងខ្លាំងដើម្បីសម្រួចលេង World Cup ឆ្នាំនេះ។ ដូច្នេះហើយ Nainggolan គាត់មានតួនាទីសំខាន់នៅក្លឹបអាជីពរបស់លោក ប៉ុន្តែនៅជម្រើសជាតិវិញ កន្លែងនេះមានអ្នកឈរជើងទៅហើយ”៕ប្រភព៖ BBC