Luis Suarez បានធ្វើការសម្រេចចិត្តស្នាក់នៅប្រទេសប្រេស៊ីលរហូតដល់ចុងបញ្ចប់នៃរដូវកាលរបស់ពួកគេក្នុងខែធ្នូក្រោមលក្ខខណ្ឌនៃការនាំយកការ បញ្ចប់កិច្ចសន្យារបស់គាត់ជាមួយ Gremio ដែលដើមឡើយត្រូវបានកំណត់ថានឹងផុតកំណត់នៅចុងឆ្នាំ២០២៤។
នេះមានន័យថា គាត់អាចចាកចេញមួយឆ្នាំលឿនជាងការគ្រោងទុក ហើយមានសេរីភាពក្នុងការចូលរួមក្លឹបផ្សេងទៀត។
Gremio បានយល់ព្រមលើសំណើនេះ មានន័យថា ប្រសិនបើខ្សែប្រយុទ្ធដ៏មានបទពិសោធន៍ជ្រើសរើសចុះហត្ថលេខាជាមួយ Inter Miami ដើម្បីភ្ជាប់ទំនាក់ទំនងជាមួយមិត្តរបស់គាត់ Lionel Messi នោះក្លឹបប្រេស៊ីលនឹងមិនទទួលបានថ្លៃផ្ទេរណាមួយសម្រាប់គាត់ឡើយ។
Suarez បានចូលរួមជាមួយ Germio ក្នុងខែមករាឆ្នាំ២០២៣ ហើយវាគឺជាសំណើផ្ទាល់ខ្លួនរបស់គាត់ក្នុងការចុះហត្ថលេខា លើកិច្ចសន្យារយៈពេលពីរ រដូវកាល។
ប៉ុន្តែក្រោយមក គាត់ចង់ផ្លាស់ប្តូរចិត្ត ហើយចាកចេញលឿនជាងការគ្រោងទុក បន្ទាប់ពីឱកាសចូលរួមជាមួយ Messi នៅ MLS បានកើតឡើង៕