ខ្សែការពារស្តាំរបស់ក្លឹប Barcelona កីឡាករ Sergi Roberto បានបង្ហាញពីបំណងប្រាថ្នា និងការលើកទឹកចិត្តរបស់គាត់ក្នុងការឈ្នះពានរង្វាន់ UEFA Champions League នៅរដូវកាល ២០២៣-២៤។Barcelona បានឈ្នះពានរង្វាន់ UEFA Champions League ចំនួន ៥ដង ដោយពានចុងក្រោយក្នុងឆ្នាំ២០១៥។ ចាប់តាំងពីពេលនោះមក ពួកគេមាន ពេលវេលាដ៏ក្រៀមក្រំក្នុងការប្រកួតនេះ ជាមួយនឹងការបង្ហាញខ្លួននៅពាក់កណ្តាលផ្តាច់ព្រ័ត្រក្នុងឆ្នាំ២០១៩ គឺជាលទ្ធផលដ៏ល្អបំផុតរបស់ពួកគេ។

Barca ក៏បរាជ័យក្នុងការឆ្លងផុតវគ្គចែកពូល Champions League ក្នុងពីររដូវកាលមុន ដោយបានធ្លាក់ទៅ UEFA Europa League។

ទោះបីជាយ៉ាងណាក៏ដោយ ប្រធានក្រុម Barcelona ដែលទើបតែងតាំងថ្មីគឺ Sergi Roberto កំពុងស្រមៃមើលការឈ្នះពានរង្វាន់ Champions League នៅរដូវកាលនេះ។ គាត់បាននិយាយនៅលើ​ Managing Barca ថា៖

“នៅក្នុងគំនិតរបស់ខ្ញុំ ខ្ញុំមានរូបភាពដែលខ្ញុំលើកពាន Champions League នៅ Wembley ក្នុងរដូវកាលនេះ”។

ការប្រកួតវគ្គផ្តាច់ព្រ័ត្រនៃក្របខ័ណ្ឌ Champions League ឆ្នាំ ២០២៣-២៤ នឹងធ្វើឡើងនៅកីឡដ្ឋាន Wembley ក្នុងទីក្រុងឡុងដ៍៕