Kai Havertz របស់ Arsenal បានបើកចំហរអំពីតួនាទីថ្មីរបស់គាត់នៅក្លឹប បន្ទាប់ពីមានការអត្ថាធិប្បាយរបស់អ្នកចាត់ការ Mikel Arteta កាលពីដើមសប្តាហ៍នេះ។
កីឡាករអន្តរជាតិអាឡឺម៉ង់ត្រូវបានគេដាក់ពង្រាយជាកីឡាករលេខ 8 ក្រោមការដឹកនាំរបស់គ្រូបង្វឹកសញ្ជាតិអេស្ប៉ាញ។ Havertz បានលេងតួនាទីជាច្រើនក្នុងអាជីពរបស់គាត់ និងពេលវេលារបស់គាត់នៅ Chelsea។ ទោះជាយ៉ាងណា គាត់មិនដែលត្រូវបានដាក់កន្លែងរបស់គាត់ក្នុងទីតាំងជាក់លាក់មួយនៅលើទីលាននោះទេ។
ខ្សែប្រយុទ្ធសញ្ជាតិអាឡឺម៉ង់បានបញ្ជាក់ថាគាត់សប្បាយចិត្តក្នុងតួនាទីថ្មីរបស់គាត់នៅ Arsenal។ Havertz បានប្រាប់ ESPN ថា៖
“ខ្ញុំពិតជារីករាយណាស់ក្នុងការលេងតំណែងនោះ [ជាលេខ 8]។ ខ្ញុំកាន់តែលេងបាល់ រួមបញ្ចូលនៅក្នុងការប្រកួត។ ខ្ញុំពិតជារីករាយណាស់។ ខ្ញុំគិតថាខ្ញុំមានចំនុចជាច្រើនដើម្បីកែលម្អនៅក្នុងការប្រកួត។ ខ្ញុំនៅតែសម្របខ្លួនទៅនឹងការប្រកួត និងអ្វីគ្រប់យ៉ាង។ រហូតមកដល់ពេលនេះវាដំណើរការបានល្អ។”
គាត់បានបន្ថែមថា៖
“ខ្ញុំគិតថា មានសារៈសំខាន់សម្រាប់តំណែងរបស់ខ្ញុំ និងកម្ពស់របស់ខ្ញុំផងដែរ។ ខ្ញុំចង់ស៊ុតបាល់បញ្ចូលទី។ វាជាផ្នែកមួយនៃការប្រកួតរបស់ខ្ញុំ។ ខ្ញុំតែងតែត្រូវទៅដល់ទីនោះ។ សង្ឃឹមថា វាដំណើរការបានច្រើនដងនៅក្នុងលីគឥឡូវនេះ។
ក្រុមនេះពិតជាអស្ចារ្យណាស់ ហើយវាពិតជាមានអារម្មណ៍ដូចជាផ្ទះរួចទៅហើយ។ ពួកគេបានធ្វើឱ្យវាងាយស្រួលសម្រាប់ខ្ញុំក្នុងការរួមបញ្ចូលជាមួយក្រុម។ វារីករាយក្នុងការនៅជាមួយពួកគេ ពួកគេទាំងអស់គ្នានៅក្មេង និងស្រេកឃ្លាន។ នេះជាអ្វីដែលខ្ញុំចង់បាន និង ខ្ញុំរីករាយណាស់ដែលបានមកទីនេះ”៕
