Neymar ថា​ដេក​យំ​អស់ ៥ ​ថ្ងៃ​ដោយសារ​ចាញ់ WC តែ​រឿង​នៅ PSG ទោះ​ជំនាន់​ល្បី​ឈ្មោះ R.Madrid ក៏​អត់​ធ្លាប់​ធ្វើ​បាន​ដែរ

ក្លឹប​បារាំង Paris Saint-Germain កំពុង​ស្ថិត​ក្នុង​ដំណើរ​ត្រៀម​ប្រកួត​មិត្តភាព​ទល់​ក្លឹប​អាស៊ី Al Nassr និង​ទល់​បណ្តា​ក្លឹប​អឺរ៉ុប​មួយ​ចំនួន​ផ្សេង​ទៀត ហើយ​ឃើញ​ថា​កីឡាករ​កំពូលៗ​សុទ្ធ​សឹង​បាន​ត្រលប់​មក​ហ្វឹកហាត់​ជា​ធម្មតា រួម​បញ្ចូល​ទាំង​ចំណូល​ថ្មី​ទើប​ទិញ​បាន​ច្រើន​រូប។

យ៉ាង​ណា​ងាក​មក Neymar Jr ​វិល​មក​ទីលាន​សារ​នេះ គេ​បាន​រំឭក​ទៅ​រឿងរ៉ាវ​គួរ​ឲ្យ​ចាប់​អារម្មណ៍​ជា​ច្រើន ទាំង​គ្រា​កន្លង​មក​នៅ​បរាជ័យ​មិន​គួរ​ឲ្យ​ចងចាំ​កាល​ពី​ចុង​ឆ្នាំ ២០២២ នៅ​ប្រទេស​កាតារ ដូច​គ្នា​ក៏​បាន​សង្កត់​ធ្ងន់​ជា​ថ្មី អំពី​រឿង​ដែល PSG ​មិនទាន់​ស្គាល់​ជាតិ​ឈ្នះ​ពាន​អឺរ៉ុប សូម្បី​តែ​ម្តង។

នៅ​បទសម្ភាសន៍​ជាមួយ YouTuber, Casimiro Miguel តារា​ឆ្នើម​ប្រេស៊ីល​បាន​រៀបរាប់៖ “ខ្ញុំ​បាន​ស្រក់​ទឹក​ភ្នែក​ជា​បន្តបន្ទាប់ នេះ​ខ្ញុំ​បាន​យំ ៥ ​ថ្ងៃ​ជាប់​គ្នា ព្រោះ​អី​ក្តីស្រមៃ​របស់​យើង​ដែល​នៅ​ចំពោះ​មុខ បែរ​ជា​រំលេច​ទៅ​បាត់​ត្រឹម​តែ​មួយ​រំពេច វា​ជា​អារម្មណ៍​ដែល​ពិបាក​ទទួល​យក ខ្ញុំ​ពិត​ជា​មិន​ចង់​ឆ្លង​កាត់​វា​ម្តង​ទៀត​ទេ”។

លោក​បន្ត៖ “​បន្ទាប់​ចប់ World Cup ស្មោះត្រង់​ទៅ ខ្ញុំ​អត់​ចង់​ត្រលប់​មក​វិញ​ទេ ខ្ញុំ​បាន​ពិចារណា​ដល់​រឿង​ចូល​និវត្ត​ពី​អាជីព ព្រោះ​ចង់​បញ្ចៀស​អារម្មណ៍​ឈឺចាប់”។ រំឭក​ទៅ​ពេល​នោះ​បន្តិច នៅ​ប្រកួត​វគ្គ ៨ ក្រុម​ចុង​ក្រោយ ក្រូអាត​បាន​ស្មើ​លទ្ធផល​ ១-១ ទល់​ប្រេស៊ីល ​បន្ទាប់​ថែម​ម៉ោង​ ១៥ នាទី​ពីរ​ដង នេះ Neymar រក​បាន​គ្រាប់​បាល់​នៅ​នាទី ១០៥+១ លុះ​ដល់​នាទី ១១៧ ក៏ Bruno Petkovic ជួយ​ឲ្យ​ក្រូអាត​តាម​ស្មើ។ ​បន្តបន្ទាប់​ចូល​វគ្គ​ស៊ុត​បាល់​ប៉េណាល់ទី ក៏​ស្រាប់​តែ​ក្រូអាត​យក​ឈ្នះ ៤-២ ទម្លាក់​ប្រេស៊ីល​បាន​ដោយ​ជោគជ័យ។

​បន្ត​ទៅ​រឿងរ៉ាវ​ជាមួយ​ក្លឹប បុរស​វ័យ ៣១ ឆ្នាំ បាន​សារ​ថយ​ក្រោយ​ទៅ​ពេលវេលា​ដែល​មាន Lionel Messi ក្នុង​ឈុត​ Trio ប្រយុទ្ធ MMN រួម​គ្នា​នឹង Kylian Mbappe ថា​ការ​ដែល​មិន​បាន​ឈ្នះ Champions League គឺ​ដោយសារ​តែ​ក្រុម​របស់​គេ មិន​មាន​សំណាង ត្រង់​ជំនាន់​ល្បី​ឈ្មោះ​ឈុត ‘Galacticos’ របស់ Real Madrid ក៏​ពេល​នោះ​ស្តេច​ស មិន​បាន​លើក​ពាន​ដូច​តែ​គ្នា។

បញ្ជាក់​បន្តិច​នោះ​សំដៅ​ទៅ​ឈុត Real Madrid ដែល​ប្រមូល​ផ្តុំ​សុទ្ធ​តែ Superstar លំដាប់​សកលលោក ចន្លោះ​ឆ្នាំ ២០០០ ដល់ ២០០៦ ឈរ​ជើង​រួម​គ្នា តួ​យ៉ាង​គឺ Ronaldo Nazario, Luis Figo, Zinedine Zidane, David Beckham, Roberto Carlos និង Raul Gonzalez ជា​ដើម។ យើង​សារ​ថយ​ក្រោយ​ទៅ​ឆ្នាំ ២០០២ ជា​លើក​ចុងក្រោយ​អធិរាជ​ស​កាន់​ពាន Real Madrid មុន​ត្រូវ​រង់ចាំ​ដល់​ឆ្នាំ ២០១៤ ទើប​អាច​ឈ្នះ​វា​ជា​ថ្មី បើ​ទោះ​បី​ល្បាក់​ពេល​នោះ Florentino Perez ​ជា​ប្រធាន​ចាយ​លុយ​ទិញ​ចូល​កីឡាករ​ល្បីៗ​ជា​បន្តបន្ទាប់។

សម្រង់សម្តី​នៃ​ការ​លើក​ឡើង​របស់ Neymar៖ “កុំ​ថា​ឡើយ​ជំនាន់ ‘Galacticos’ របស់ Real Madrid ក៏​អត់​បាន​ឈ្នះ Champions League ដែរ យើង​ទទួល​ស្គាល់​ថា​យើង​មាន​ក្រុម​ដ៏​រឹងមាំ មាន Messi មាន Mbappe និង​ខ្ញុំ​ជា​កីឡាករ​ល្អ​បំផុត​ក្នុង​លោក តែ​យើង​មិន​មាន​សំណាង​នឹង​កាន់​ពាន​នោះ ពេល​ខ្លះ​បាល់ទាត់​គឺ​បែប​ហ្នឹង វា​មិន​សុទ្ធ​តែ​សម្រេច​បាន​ដូច​ចិត្ត​ទាំង​អស់​នោះ​ទេ”។

គួរ​រំឭក​ឲ្យ​ដឹង​ដែរ​ថា ក្លឹប​សេដ្ឋី PSG បាន​ធ្លាក់​ចេញ​ពី​ពាន UCL ត្រឹម​វគ្គ ១៦ ក្រុម​ពីរ​រដូវ​កាល​ចុងក្រោយ​ជាប់ៗ​គ្នា ដូច​កាល ២០២១/២២ ចាញ់​ក្រោម​ថ្វី​ជើង Real Madrid ហើយ​កន្លង​ទៅ​ប៉ុន្មាន​ខែ​មុន​នេះ ធ្លាក់​ក្រោម​ថ្វី​ជើង Bayern Munich៕

ប្រភព៖ បរទេស

  • Neymar ថា​ដេក​យំ​អស់ ៥ ​ថ្ងៃ​ដោយសារ​ចាញ់ WC តែ​រឿង​នៅ PSG ទោះ​ជំនាន់​ល្បី​ឈ្មោះ R.Madrid ក៏​អត់​ធ្លាប់​ធ្វើ​បាន​ដែរ

    ក្លឹប​បារាំង Paris Saint-Germain កំពុង​ស្ថិត​ក្នុង​ដំណើរ​ត្រៀម​ប្រកួត​មិត្តភាព​ទល់​ក្លឹប​អាស៊ី Al Nassr និង​ទល់​បណ្តា​ក្លឹប​អឺរ៉ុប​មួយ​ចំនួន​ផ្សេង​ទៀត ហើយ​ឃើញ​ថា​កីឡាករ​កំពូលៗ​សុទ្ធ​សឹង​បាន​ត្រលប់​មក​ហ្វឹកហាត់​ជា​ធម្មតា រួម​បញ្ចូល​ទាំង​ចំណូល​ថ្មី​ទើប​ទិញ​បាន​ច្រើន​រូប។

    យ៉ាង​ណា​ងាក​មក Neymar Jr ​វិល​មក​ទីលាន​សារ​នេះ គេ​បាន​រំឭក​ទៅ​រឿងរ៉ាវ​គួរ​ឲ្យ​ចាប់​អារម្មណ៍​ជា​ច្រើន ទាំង​គ្រា​កន្លង​មក​នៅ​បរាជ័យ​មិន​គួរ​ឲ្យ​ចងចាំ​កាល​ពី​ចុង​ឆ្នាំ ២០២២ នៅ​ប្រទេស​កាតារ ដូច​គ្នា​ក៏​បាន​សង្កត់​ធ្ងន់​ជា​ថ្មី អំពី​រឿង​ដែល PSG ​មិនទាន់​ស្គាល់​ជាតិ​ឈ្នះ​ពាន​អឺរ៉ុប សូម្បី​តែ​ម្តង។

    នៅ​បទសម្ភាសន៍​ជាមួយ YouTuber, Casimiro Miguel តារា​ឆ្នើម​ប្រេស៊ីល​បាន​រៀបរាប់៖ “ខ្ញុំ​បាន​ស្រក់​ទឹក​ភ្នែក​ជា​បន្តបន្ទាប់ នេះ​ខ្ញុំ​បាន​យំ ៥ ​ថ្ងៃ​ជាប់​គ្នា ព្រោះ​អី​ក្តីស្រមៃ​របស់​យើង​ដែល​នៅ​ចំពោះ​មុខ បែរ​ជា​រំលេច​ទៅ​បាត់​ត្រឹម​តែ​មួយ​រំពេច វា​ជា​អារម្មណ៍​ដែល​ពិបាក​ទទួល​យក ខ្ញុំ​ពិត​ជា​មិន​ចង់​ឆ្លង​កាត់​វា​ម្តង​ទៀត​ទេ”។

    លោក​បន្ត៖ “​បន្ទាប់​ចប់ World Cup ស្មោះត្រង់​ទៅ ខ្ញុំ​អត់​ចង់​ត្រលប់​មក​វិញ​ទេ ខ្ញុំ​បាន​ពិចារណា​ដល់​រឿង​ចូល​និវត្ត​ពី​អាជីព ព្រោះ​ចង់​បញ្ចៀស​អារម្មណ៍​ឈឺចាប់”។ រំឭក​ទៅ​ពេល​នោះ​បន្តិច នៅ​ប្រកួត​វគ្គ ៨ ក្រុម​ចុង​ក្រោយ ក្រូអាត​បាន​ស្មើ​លទ្ធផល​ ១-១ ទល់​ប្រេស៊ីល ​បន្ទាប់​ថែម​ម៉ោង​ ១៥ នាទី​ពីរ​ដង នេះ Neymar រក​បាន​គ្រាប់​បាល់​នៅ​នាទី ១០៥+១ លុះ​ដល់​នាទី ១១៧ ក៏ Bruno Petkovic ជួយ​ឲ្យ​ក្រូអាត​តាម​ស្មើ។ ​បន្តបន្ទាប់​ចូល​វគ្គ​ស៊ុត​បាល់​ប៉េណាល់ទី ក៏​ស្រាប់​តែ​ក្រូអាត​យក​ឈ្នះ ៤-២ ទម្លាក់​ប្រេស៊ីល​បាន​ដោយ​ជោគជ័យ។

    ​បន្ត​ទៅ​រឿងរ៉ាវ​ជាមួយ​ក្លឹប បុរស​វ័យ ៣១ ឆ្នាំ បាន​សារ​ថយ​ក្រោយ​ទៅ​ពេលវេលា​ដែល​មាន Lionel Messi ក្នុង​ឈុត​ Trio ប្រយុទ្ធ MMN រួម​គ្នា​នឹង Kylian Mbappe ថា​ការ​ដែល​មិន​បាន​ឈ្នះ Champions League គឺ​ដោយសារ​តែ​ក្រុម​របស់​គេ មិន​មាន​សំណាង ត្រង់​ជំនាន់​ល្បី​ឈ្មោះ​ឈុត ‘Galacticos’ របស់ Real Madrid ក៏​ពេល​នោះ​ស្តេច​ស មិន​បាន​លើក​ពាន​ដូច​តែ​គ្នា។

    បញ្ជាក់​បន្តិច​នោះ​សំដៅ​ទៅ​ឈុត Real Madrid ដែល​ប្រមូល​ផ្តុំ​សុទ្ធ​តែ Superstar លំដាប់​សកលលោក ចន្លោះ​ឆ្នាំ ២០០០ ដល់ ២០០៦ ឈរ​ជើង​រួម​គ្នា តួ​យ៉ាង​គឺ Ronaldo Nazario, Luis Figo, Zinedine Zidane, David Beckham, Roberto Carlos និង Raul Gonzalez ជា​ដើម។ យើង​សារ​ថយ​ក្រោយ​ទៅ​ឆ្នាំ ២០០២ ជា​លើក​ចុងក្រោយ​អធិរាជ​ស​កាន់​ពាន Real Madrid មុន​ត្រូវ​រង់ចាំ​ដល់​ឆ្នាំ ២០១៤ ទើប​អាច​ឈ្នះ​វា​ជា​ថ្មី បើ​ទោះ​បី​ល្បាក់​ពេល​នោះ Florentino Perez ​ជា​ប្រធាន​ចាយ​លុយ​ទិញ​ចូល​កីឡាករ​ល្បីៗ​ជា​បន្តបន្ទាប់។

    សម្រង់សម្តី​នៃ​ការ​លើក​ឡើង​របស់ Neymar៖ “កុំ​ថា​ឡើយ​ជំនាន់ ‘Galacticos’ របស់ Real Madrid ក៏​អត់​បាន​ឈ្នះ Champions League ដែរ យើង​ទទួល​ស្គាល់​ថា​យើង​មាន​ក្រុម​ដ៏​រឹងមាំ មាន Messi មាន Mbappe និង​ខ្ញុំ​ជា​កីឡាករ​ល្អ​បំផុត​ក្នុង​លោក តែ​យើង​មិន​មាន​សំណាង​នឹង​កាន់​ពាន​នោះ ពេល​ខ្លះ​បាល់ទាត់​គឺ​បែប​ហ្នឹង វា​មិន​សុទ្ធ​តែ​សម្រេច​បាន​ដូច​ចិត្ត​ទាំង​អស់​នោះ​ទេ”។

    គួរ​រំឭក​ឲ្យ​ដឹង​ដែរ​ថា ក្លឹប​សេដ្ឋី PSG បាន​ធ្លាក់​ចេញ​ពី​ពាន UCL ត្រឹម​វគ្គ ១៦ ក្រុម​ពីរ​រដូវ​កាល​ចុងក្រោយ​ជាប់ៗ​គ្នា ដូច​កាល ២០២១/២២ ចាញ់​ក្រោម​ថ្វី​ជើង Real Madrid ហើយ​កន្លង​ទៅ​ប៉ុន្មាន​ខែ​មុន​នេះ ធ្លាក់​ក្រោម​ថ្វី​ជើង Bayern Munich៕

    ប្រភព៖ បរទេស